Маттай 25:1 - Сыйлы Инжил бла Забур

¹ «Ол заманда Кёклени Патчахлыгъы, чыракъларын алып, киеуню аллына чыкъгъан он къызгъа ушашлы боллукъду.

Маттай 25:1 Iomraidhean Croise

Маттай 13:24

Ол алагъа дагъыда башха оюм берген таурухну айтды: «Кёклени Патчахлыгъы, кесини сабанына ахшы урлукъ сепген адамгъа ушайды;

Маттай 13:31

Ол алагъа дагъыда башха оюм берген таурухну айтды: «Кёклени Патчахлыгъы, аны адам алып сабанына сепген татыран бюртюкге ушайды.

Маттай 13:38

Сабан – дунияды. Иги урлукъ – Кёклени Патчахлыгъыны уланларыдыла, аман хансла уа – хыйлачыны уланларыдыла.

Маттай 13:47

«Кёклени Патчахлыгъы дагъыда, тенгизге атылгъан, кёп тюрлю чабакъ тутхан чабакъ аугъа ушайды.

Маттай 20:1

«Кёклени Патчахлыгъы, эрттенликде-эртте кесини жюзюм бахчасына жалгъа ишчиле алыргъа чыкъгъан жер иесине ушайды.

Маттай 22:2

«Кёклени Патчахлыгъы, уланына некях той этген патчахха ушайды.

Маттай 25:7

Сора ол къызла бары да туруп, чыракъларын тюзетдиле.

Маттай 3:2

«Тобагъа къайтышыгъыз, энди Кёклени Патчахлыгъы жууукълашханды», – дей эди.

Маттай 5:16

Сизни жарыгъыгъыз да адамланы алларында, ала сизни ахшы ишлеригизни кёрюп, сизни Кёкдеги Атагъызгъа махтау салырча, алай жарытсын».

Маттай 9:15

Исса алагъа: «Киеуню нёгерлери, киеу ала бла болгъан заманда мудах болургъа болаллыкъмыдыла? Алай а киеу аладан сыйырылгъан кюнле келликдиле, сора ол заманда ораза тутарыкъдыла.

Ахия 18:3

Алай бла Иуда, аскерчиледен бир жыйын да, баш дин къуллукъчуладан бла фарисейледен къалауурла да алып, фанарла бла, чыракъла бла, сауутла бла ары келди.

Ахия 3:29

Келин кимни эсе, киеу олду. Киеуню къатында туруп, анга тынгылагъан нёгери уа, киеуню ауазын эшитип, бек къууанады. Ма, мени къууанчым алай толду.

Ишлери 20:8

Биз жыйылгъан огъаргъы отоуда чыракъла да кёп эдиле.

I Коринфлилеге 11:2

Къарындашла, сиз, мен юйретгенлени барысын да эсигизде тутуп, сизге юйретгенимча этгенигиз ючюн, сизни махтайма.

II Коринфлилеге 11:2

Мен сизни ючюн Аллахны эришиую бла эришеме; нек десегиз мен сизден бир эрге, Масиххе сёз тауусдургъанма, сизни Аны аллына таза къызлай тапдырыр ючюн кюрешеме.

II Тимотейге 4:8

Энди уа манга тюзлюкню тажы хазырланады, аны уа, ол Кюнде манга тюзлюклю Сюдю Раббий берликди эм жаланда манга тюйюл, алай а Аны келирин сюйгенлени барына да.

Титге 2:13

Энди уа, мубарек умутубузну толурун, уллу Аллахыбыз эм Къутхарыучубуз Масих Иссаны махтаулу келирин сакълайбыз.

Билим Ачханы 14:4

Бу адамла кеслерин къатынла бла харам этмегенледиле; нек десегиз ала таптаза адамладыла. Ала, Къозу къайры барса да, Аны ызындан баргъанладыла. Ала, Аллахха бла Къозугъа тюнгючлеча, адамланы арасындан сатып алыннгандыла.

Билим Ачханы 19:7

Сюйюнейик, къууанч этейик эмда Анга махтау салайыкъ! Нек десегиз Къозуну той сагъаты келгенди, Аны къатыны кесин хазырлагъанды!

Билим Ачханы 21:2

Сора мен, Ахия, сыйлы шахарны, жангы Иерусалимни кёрдюм; ол, кесини эрине айбатланып хазырланнган келин кибик кёкден, Аллахдан тюшюп келе эди.

Билим Ачханы 21:9

Сора жети ахыргъы палахладан толгъан жети аякъны жюрютген жети мёлекден бирлери, мени къатыма келип, манга сёлешип: «Кел, мен санга, Къозуну къатыны боллукъ келинни кёргюзтейим», – деди.

Билим Ачханы 4:5

Баш тахтадан да шыбылала бла кёк кю кюреген тауушла эм ауазла чыгъа эдиле, тахтаны аллында да жети от чыракъ жана эдиле; ала уа Аллахны жети нюрюдюле.

Билим Ачханы 8:10

Ючюнчю мёлек сур быргъысын сокъду. Сора чыракъча жаннган уллу жулдуз, кёкден тюшюп, сууланы бла суу чыкъгъан жерлени ючден бирини юсюне тюшдю.