Маттай 24:7 - Сыйлы Инжил бла Забур

⁷ Нек десегиз миллет миллетге, патчахлыкъ патчахлыкъгъа къажау къазауат этерикди; ачлыкъла, ёлетле эм жер-жерледе жер тебиуле боллукъдула;

Маттай 24:7 Iomraidhean Croise

Лука 21:11

Жер-жерледе уллу жер тебиуле, ачлыкъла, ёлетле боллукъдула, къоркъунчлу халла эмда кёкден уллу илишанла кёрюнюрюкдюле.

Ишлери 11:28

Аладан Агап атлы биреулен, туруп, битеу дунияда бек уллу ачлыкъ боллугъун Сыйлы Нюрню юсю бла билдирди, ол ачлыкъ да Клаудий кесарьны заманында болду.

Ишлери 2:19

Сора кёкде огъары сейирликле, тюбюнде жерде да илишанла, къан, от эм тютюн булутла кёргюзтюрюкме.

Чюйютлелеге 12:27

«Энтда бир кере» деген сёзле, титиретилген – жаратылгъан затланы кетерилликлерин эмда титиремезлик затланы дайым къаллыкъларын кёргюзтедиле.

Билим Ачханы 6:12

Къозу алтынчы мухурну ачхан заманда, мен, къарап, уллу жер тебиу болгъанын кёрдюм. Кюн да къара зыбыр чепкен кибик къарангы болуп къалды, ай да къан кибик болуп къалды.

Билим Ачханы 6:5

Къозу ючюнчю мухурну ачхан заманда, ючюнчю хайыуанны: «Кел да къара!» – дегенин эшитдим. Мен, къарап, къара атны кёрдюм. Ол атха миннгенни къолунда ёлчеую бар эди.

Билим Ачханы 6:6

Сора тёрт хайыуанны арасындан: «Бир хиникс будай бир динаргъа эм юч хиникс арпа бир динаргъа; зейтун жаугъа бла чагъыргъа уа заран салма!» – деп айтхан ауазны эшитдим.

Билим Ачханы 6:8

Мен, къарап, саз атны кёрдюм. Ол атха миннгенни аты Ёлюм эди. Ахырат да аны ызындан бара эди. Ала, къылыч бла эм ачлыкъ бла, ауруула бла эм жерни жаныуарлары бла адамланы ёлтюрюр ючюн, алагъа жерни тёрт юлюшюнден бирини эркинлиги берилгенди.