Маттай 24:14 - Сыйлы Инжил бла Забур

¹⁴ Эмда Аллахны Патчахлыгъыны бу Хайыр Хапары битеу дунияда, битеу миллетлеге шагъатлыкъгъа билдирилликди; сора ол заманда ахыры келликди.

Маттай 24:14 Iomraidhean Croise

Маттай 10:7

Кёклени Патчахлыгъы жууукълашханды деп ууаз берип жюрюгюз.

Маттай 18:19

Аны кибик кертисин айтама сизге, жер башында сизден экеулен хар бир ишни юсюнден тилек этерге бирге келишселе, сора, не тилеселе да, Мени Кёкдеги Атамдан алагъа берилир.

Маттай 24:3

Ол, Зейтун тауда олтургъан заманда уа, сохтала кеслери жангыз, Аны къатына келип: «Бу ишле къачан боллукъдула? Эмда Сени келлигинги бла бу ёмюрню ахырыны не илишаны боллукъду? Аны бизге айт», – деп сордула.

Маттай 24:6

Аны кибик къазауат тауушланы эм уруш хапарланы эшитирсиз. Къарагъыз, къоркъмагъыз; нек десегиз была бары да болургъа керекди. Алай а ол алыкъа дунияны ахыры тюйюлдю.

Маттай 4:23

Сора Исса, битеу Галилеяда, аланы синагогаларында юйрете, Кёклени Патчахлыгъыны юсюнден Хайыр Хапарны билдире эм халкъны арасында хар тюрлю аурууну эм хар тюрлю къарыусузлукъну сау эте айланды.

Маттай 9:35

Исса битеу шахарлада бла элледе, андагъы синагогалада юйрете, Кёклени Патчахлыгъыны юсюнден Хайыр Хапарны билдире, адамлада хар аурууну эм хар къарыусузлукъну сау эте жюрюдю.

Марк 13:10

Алгъа битеу миллетлеге Хайыр Хапар билдирилирге керекди.

Лука 2:1

Ол кюнледе битеу Рим империяда халкъны жазаргъа Августус кесарьдан буйрукъ чыкъды.

Лука 24:47

Эмда, Иерусалимден башлап, битеу миллетлеге тобагъа къайтышыудан бла гюняхланы кечирилиуюнден хапар Аны аты бла билдирилирге керекди.

Лука 4:5

Сора Аны бийик таугъа чыгъарып, ибилис Анга бек къысха заманнга битеу дунияны патчахлыкъларын кёргюзтдю.

Ишлери 1:2

Аны хар не этгенини эм неге юйретгенини юсюнден жазгъан эдим.

Ишлери 11:28

Аладан Агап атлы биреулен, туруп, битеу дунияда бек уллу ачлыкъ боллугъун Сыйлы Нюрню юсю бла билдирди, ол ачлыкъ да Клаудий кесарьны заманында болду.

Ишлери 17:31

Нек десегиз Аллах битеу дуниягъа, Кеси алгъындан сайлагъан Кишини юсю бла тюзлюклю сюд этер кюнюн белгилегенди. Сюд этеригине битеу адамланы ышандырыр ючюн бу Кишини ёлгенледен тиргизгенди».

Ишлери 17:6

Алай а аланы тапмай, Ясонну эмда бир къауум къарындашны тутуп, шахарны оноучуларына элтип: «Битеу дунияны къозгъагъан бу адамла бери да келгендиле.

Ишлери 19:27

Бу уа, къуру бизни усталыгъыбыз сансыз этилгени бла да къалмай, уллу Артемисни табыныучу юйю да затха саналмай къалыргъа эмда битеу Асия эм битеу дуния табынып тургъанны уллулугъу тюшюп жокъ болургъа, бизге къоркъууду», – деди.

Ишлери 20:25

Энди уа мен билеме: мындан арысында сизден биригиз да мени бетими кёрлюк тюйюлсюз, сизни арагъызда Аллахны Патчахлыгъын билдирип айланнганны.

Римлилеге 10:18

Алай а сорама: ала эшитмегенмидиле? Ол угъай эсенг: «Аланы ауазлары битеу жерни юсюнде эшитилгенди эм аланы сёзлери дунияны чегине дери жетгенди».

Колослулагъа 1:23

Ийманда бек эм къаты болуп турургъа эмда сиз эшитген Хайыр Хапаргъа ышаныудан таймай турургъа керексиз ансы. Мен, Пауул, кёкню тюбюнде жаратылгъанланы барына да билдирилген ол Хайыр Хапарны жумушчусу болгъанма.

Колослулагъа 1:6

Ол Хайыр Хапар, сиз Аллахны шафауатыны юсюнден эшитген эм аны керти ангылагъан кюнден башлап, сизни арагъызда этгени кибик, битеу дунияда да битим береди эм жайылады.

Чюйютлелеге 1:6

Аны кибик, тюнгюч Уланын дуниягъа келтиргенинде: «Аллахны битеу мёлеклери Анга сеждагъа ийилсинле», – дейди.

Чюйютлелеге 2:5

Нек десегиз биз аны юсюнден айтхан боллукъ дунияны Аллах мёлеклеге бойсундурмагъанды;

Билим Ачханы 14:6

Сора мен кёкню арасында учхан башха мёлекни кёрдюм. Ол мёлег’а, жер башында жашагъанлагъа – хар миллетге эм тукъумгъа, хар тилге эм хар халкъгъа – билдирир ючюн, ёмюрлюк Хайыр Хапарны къолунда тутуп тура эди.

Билим Ачханы 16:14

Ала – сейир илишанла этген, жин нюрле эдиле; ала чыгъып, битеу дунияны тутхан Аллахны ол уллу кюнюнде боллукъ къазауатха битеу дунияны патчахларын жыяргъа бара эдиле.

Билим Ачханы 3:10

Сен, мени сёзюмю сакълап, тёзюмлюк этгенинг ючюн, Мен да, сени жер башында жашагъанланы сынар ючюн, битеу дуниягъа келлик сынау сагъатдан сакъларма.