Маттай 23:9 - Сыйлы Инжил бла Забур

⁹ Жер башында бир кишиге да атабыз деп айтмагъыз; нек десегиз сизни Атагъыз жангыз бирди, Ол а кёкледеди.

Маттай 23:9 Iomraidhean Croise

Маттай 23:10

Насийхатчыла деп да айтылмагъыз, нек десегиз сизни Насийхатчыгъыз жангыз Масихди.

Маттай 6:32

Нек десегиз бу затланы барын да миллетле излейдиле; сизни Кёкдеги Атагъыз а бу затла бары да сизге керек болгъанын биледи.

Маттай 7:11

Алай бла сиз, огъурсуз болгъаныгъызлай да, сабийлеригизге ахшы саугъала берирге биле эсегиз, бегирек да сизни Кёкдеги Атагъыз Андан тилегенлеге ахшылыкъ берир.

Ишлери 22:1

«Къарындашла эм атала! Энди мен кесими сизни аллыгъызда ариулагъаныма тынгылагъыз», – деди.

I Коринфлилеге 4:15

Нек десегиз сизни Масихни жолунда минг устазыгъыз бар эсе да, аталарыгъыз а кёп жокъду. Сизге Хайыр Хапарны билдириуюм бла Масих Иссада сизни мен туудургъанма.

II Коринфлилеге 6:18

Эмда сизге Ата боллукъма, сиз да Мени уланларым бла къызларым боллукъсуз“ дейди битеу дунияны тутхан Раббий».

Чюйютлелеге 12:9

Эмда биз, бу дуниядагъы аталарыбыздан азап чегип, алагъа хурмет этген эсек, сора жашар ючюн, нюрлени Атасына уа дагъыда бек боюн салыргъа керек тюйюлбюзмю?

I Ахия 3:1

Къарачыгъыз, бизге Аллахны сабийлери аталыр ючюн, Ата бизни къалай бек сюйгенди! Керти да алайбыз. Дуния Аны танымагъаны себепли, бизни да танымайды.