Маттай 23:8 - Сыйлы Инжил бла Забур

⁸ Сиз а устазла деп айтылмагъыз; нек десегиз сизде Устаз жангыз Масихди, сиз а барыгъыз да къарындашласыз.

Маттай 23:8 Iomraidhean Croise

Маттай 10:25

Сохтагъа, устазыча болса, къулгъа да бийича болса, тамамды. Юйню иесине беелзебул атагъан эселе, аны юйюндегилеге уа не айтмазла!»

Маттай 17:5

Ол муну айта тургъан заманда, ма аланы жарыкъ булут жапды, сора булутдан бир ауаз: «Бу – Мени ыразылыгъым Анда болгъан, Мени Сюйюлюннген Уланымды; Анга тынгылагъыз», – деди.

Маттай 23:10

Насийхатчыла деп да айтылмагъыз, нек десегиз сизни Насийхатчыгъыз жангыз Масихди.

Маттай 23:7

Халкъ жыйылыулада салам алыргъа, адамла алагъа: „Устаз! Устаз!“ деп къубултууну сюедиле.

Маттай 26:25

Ол заманда Аны сатарыкъ Иуда да: «Менми болурма, Устаз?» – деди. Исса анга: «Сен айтдынг», – деди.

Маттай 26:49

Олсагъат, Иссаны къатына келип ол: «Салам, Устаз!» – деп, Аны уппа этди.

Марк 10:51

Исса анга: «Сен Менден не тилейсе?» – деп сорду. Сокъур Анга: «Устаз! Мени кёзлерим кёрсюнле», – деди.

Марк 11:21

Сора, Петер эсине тюшюрюп, Анга: «Устаз! Къара, ол сен къаргъагъан инжир терек къуругъанды!» – деди.

Марк 14:45

Келгенлей, олсагъат Иссаны къатына барып: «Устаз! Устаз!» – деп, Аны уппа этди.

Марк 9:5

Ол заманда Петер Иссагъа: «Устаз! Бизге мында турургъа игиди; юч чатыр этейик: Санга бирин, Мусагъа бирин, Илиясха да бирин», – деди.

Лука 22:32

Алай болгъанлыкъгъа, Мен сени ийманынг таркъаймасын деп, сени ючюн тилек этгенме, сен да къайтышхан заманынгда къарындашларынгы бегимли эт», – деди.

Ахия 1:38

Исса уа, артха айланып, аланы келгенлерин кёрюп, алагъа: «Не излейсиз?» – деди. Ала да Анга: «Равви, къайда жашайса?» – дедиле. Равви дегенни магъанасы «устаз» деген сёздю.

Ахия 1:49

Натанел Анга: «Устаз! Сен Аллахны Уланыса, Сен Израильни Патчахыса!» – деп жууап этди.

Ахия 11:8

Сохтала Анга: «Устаз! Сени иудейлиле ташла бла тюйюп ёлтюрюрге излегенли кёпмю болады, Сен дагъыда ары бараса?» – дедиле.

Ахия 20:16

Исса анга: «Мариям!» – деди. Мариям, айланып, Анга чюйютча: «Раббуни!» – деди; аны магъанасы уа: «Устаз» демекди.

Ахия 3:2

Ол, Иссагъа кече келип, Анга: «Устаз! Сен Аллахдан келген Устаз болгъанынгы биз билебиз; нек десенг бир киши да, Аллах аны бла бирге болмаса, Сен этген илишанланы эталлыкъ тюйюлдю», – дегенди.

Ахия 3:26

Ала, Ахиягъа келип, анга: «Устаз! Ол, Кеси сени бла Иорданны ары жанында болгъан эм Аны юсюнден сен шагъатлыкъ этген, ма, Ол адамланы сууда кёмюлдюреди эм бары да Анга барадыла», – дедиле.

Ахия 4:31

Ол заманда сохтала Андан: «Устаз! Бир зат аша», – деп тиледиле.

Ахия 6:25

Эм Аны кёлню ары жанында табып, Анга: «Устаз! Сен бери не заманда келгенсе?» – дедиле.

Ахия 9:2

Сохталары Иссагъа: «Устаз! Ким гюнях этгенди, олму огъесе аны атасы-анасымы, ол сокъур нек туугъанды?» – деп сордула.

II Коринфлилеге 1:24

Бу уа сизни ийманыгъыз бизни оноуубузда болур ючюн кюрешгенден тюйюлдю; алай а, сиз къууаныр ючюн, биз сизни бла бирге ишлеучю нёгерлебиз. Нек десегиз сиз ийманда къаты турасыз.

II Коринфлилеге 4:5

Биз кесибизни юсюбюзден билдирмейбиз, алай а Масих Иссаны Раббий болгъанын билдиребиз; биз а Исса ючюн сизни къулларыгъызбыз.

Эфеслилеге 3:15

Бизни Раббийибиз Масих Иссаны Атасыны аллында тобукъланама.

Филимоннга 1:16

Аны энди къулнуча тюйюл, къулдан бийик, сюйюлюннген къарындашныча, ызына алырса. Ол манга бек багъалыды, санга уа кеси адамынгча да, Раббийни адамыча да, андан да бек багъалы боллукъду.

Якъуп 3:1

Къарындашларым! Биз устазлагъа къаты сюд этиллигин билигиз, аны себепли кёбюгюз устазла болмагъыз.

I Петер 5:3

Аллахны халкъына бийлик этмей, алай а сюрюуге юлгю берип къуллукъ этигиз.

Билим Ачханы 1:9

Масих Иссаны азап чегиуюне, патчахлыгъына эм тёзюмюне сизни бла къатышхан мен, Ахия къарындашыгъыз, Аллахны сёзю ючюн эм Масих Иссаны шагъатлыгъы ючюн Патмос атлы айрыкамда тутмакъ эдим.

Билим Ачханы 19:10

Мен, анга сежда этер ючюн, аны аякъларына аудум; алай а ол манга: «Къара, этме алай! Мен да сени кибик эм Иссагъа шагъатлыкъ этиуню бардыргъан къарындашларынг кибик Аллахны къулума. Сежданы Аллахха эт, нек десенг Иссагъа шагъатлыкъ этиу файгъамбарлыкъны нюрюдю», – деди.

Билим Ачханы 22:9

Алай а ол манга: «Къара, этме алай! Нек десенг мен сени кибик эм сени къарындашларынг файгъамбарла эмда бу китапны сёзлерин тутханла кибик Аллахны къулума. Сежданы Аллахха эт!» – деди.