Маттай 23:15 - Сыйлы Инжил бла Забур

¹⁵ Сизге палах, дин алимле бла фарисейле, эки бетлиле! Бир да болмаса да биреуню динигизге ауушдурур ючюн, жерде бла тенгизде айланасыз; ол ауушса уа, аны кесигизден эки кере аман, жаханимлик этесиз.

Маттай 23:15 Iomraidhean Croise

Маттай 23:13

Сизге палах, дин алимле бла фарисейле, эки бетлиле! Сиз Кёклени Патчахлыгъын адамлагъа жабып турасыз; кесигиз да кирмейсиз, кирирге сюйгенлени да къоймайсыз.

Маттай 3:7

Ахия уа, кёп фарисейлени бла садукейлени анга сууда кёмюлдюрюлюрге келгенлерин кёрюп, алагъа: «Жилянны балалары! Келлик чамланыудан къачаргъа сизни ким юйретгенди?

Маттай 5:22

Мен а сизге: кесини къарындашына керексиз ачыуланнган хар адамгъа, сюд этилирге тийишлиди деп айтама; кесини къарындашына: „Ракъа“, деген адам а синедрионнга тийишлиди; „Акъылсыз“ деген адам а жаханим отуна тийишлиди.

Маттай 5:29

Сени онг кёзюнг сени гюняхха тюшюре эсе уа, аны тартып ал да кесингден кери ат; нек десенг сени битеу чархынг жаханимге атылгъандан эсе, сени санларынгдан бири жоюлгъаны игиди санга.

Ахия 8:44

Сизни атагъыз ибилисди, сиз да атагъызны кюсегенлерин этерге сюесиз. Ол алгъындан да адам ёлтюрюучю болгъанды, хакъ кертиде турмагъанды; нек десегиз анда хакъ керти жокъду. Ол ётюрюк айтхан заманында, кесинден айтады; нек десегиз ол ётюрюкчюдю эм ётюрюкню атасыды.

Ишлери 13:10

«Эй, хар тюрлю хыйладан бла хар тюрлю аманлыкъдан толгъан, ибилисни баласы, хар тюзлюкню душманы! Раббийни тюз жолларын терсине бурургъа кюрешгенинги къоярыкъ тюйюлмюсе?

Ишлери 13:43

Жыйылыу чачылгъандан сора уа, кёп иудейлиле да, иудей диннге къайтышып, Аллахха табыннган башха миллетлиле да Пауулну бла Барнабаны ызындан бардыла; ала уа, бу адамла бла ушакъ этип аланы, таймай Аллахны шафауатында турургъа ийнандырдыла.

Ишлери 14:19

Антиохиядан бла Икониядан бир къауум иудейлиле келип, абустолла таукел сёлешген заманда: «Ала бир керти зат айтмайдыла, айтханлары бары да ётюрюкдю», – деп халкъны ийнандырып абустолладан айырдыла. Сора халкъны къозутуп, Пауулну ташла бла тюйдюрдюле эмда, ёлген сунуп, шахардан тышына чыгъарып атдыла.

Ишлери 14:2

Ийнанмагъан иудейлиле уа, башха миллетлилени жюреклерин къозгъап, аланы къарындашлагъа къажау къозутдула.

Ишлери 17:13

Фесалоникалы иудейлиле уа, Аллахны сёзюн Пауул Берияда да жайгъанын билгенлеринде уа ары да келип халкъны къозутуп къозгъадыла.

Ишлери 2:10

Фригияда эм Памфилияда, Мисирде эм Ливияны Киринеягъа жууукъ жерлеринде жашагъанла, иудейли болуп туугъан эм иудей динни къабыл этген Римден келген къонакъла,

Ишлери 6:5

Бу сёзге битеу жыйылгъанла ыразы болдула; сора Истефан атлы, иймандан эм Сыйлы Нюрден толгъан кишини, Филипни, Прохорну, Никанорну, Тимонну, Парменаны эмда алгъын чюйют диннге къайтышхан Антиохиялы Николайны сайладыла.

Галатиялылагъа 4:17

Сизни кеслерине бурургъа эришгенле аман ниет этип эришедиле. Сиз да алагъа эришир ючюн, сизни бизден айырыргъа излейдиле.

Галатиялылагъа 6:12

Адам табийгъатлары бла махтаныргъа сюйгенлени сизге сюннет этилигиз деп къысханлары уа, жаланда Масихни къачы амалтын зулмулукъ кёрмез ючюндю.

Эфеслилеге 2:3

Бир заманлада биз барыбыз да аллайла эдик, гюняхлы табийгъатыбыз сюйгенни эм акъылыбызгъа келгенни этип, адам табийгъатыбызны кюсегенлерине кёре жашай эдик. Бизни барыбызны да Аллахны чамланыуу сакълай эди.