Маттай 23:13 - Сыйлы Инжил бла Забур

¹³ Сизге палах, дин алимле бла фарисейле, эки бетлиле! Сиз Кёклени Патчахлыгъын адамлагъа жабып турасыз; кесигиз да кирмейсиз, кирирге сюйгенлени да къоймайсыз.

Маттай 23:13 Iomraidhean Croise

Маттай 23:16

Сизге палах, сокъур башчыла! Сиз: „Адам, табыныучу юй бла ант этсе, анты уллу магъаналы тюйюлдю; ол юйню алтыны бла ант этсе уа, ол антын толтурургъа борчлуду“ дейсиз.

Маттай 23:23

Сизге палах, дин алимле бла фарисейле, эки бетлиле! Сиз дугъумадан, анисден, жыгырадан зекят бересиз, Тауратда эм уллусун: тюзлюкню, мархаматны, ийманны уа къойгъансыз; быланы да этерге, аланы да къоймазгъа керек эди.

Маттай 23:25

Сизге палах, дин алимле бла фарисейле, эки бетлиле! Аякъны бла табакъны тышын тазалайсыз, аланы ичлери уа урлаудан бла тыйгъысызлыкъдан толуп турады.

Маттай 23:27

Сизге палах, дин алимле бла фарисейле, эки бетлиле! Сиз, тышындан ариу кибик кёрюннген, ичлери уа хар тюрлю ёлю сюекледен бла хар тюрлю кирли затдан толу болгъан, агъартылгъан къабырлагъа ушайсыз.

Маттай 23:29

Сизге палах, дин алимле бла фарисейле, эки бетлиле! Сиз файгъамбарлагъа кешенеле ишлейсиз, тюзлюклюлени сын ташларын жасайсыз

Маттай 3:7

Ахия уа, кёп фарисейлени бла садукейлени анга сууда кёмюлдюрюлюрге келгенлерин кёрюп, алагъа: «Жилянны балалары! Келлик чамланыудан къачаргъа сизни ким юйретгенди?

Лука 11:52

Таурат алимле, сизге палах! Сиз билимни (эшигини) ачхычын алгъансыз, кесигиз да кирмегенсиз, киргенлеге да чырмау болгъансыз», – деди.

Ахия 9:22

Иудейлиледен къоркъгъанлары себепли, аны атасы-анасы алай жууап этген эдиле; нек десегиз иудейлиле, Исса Масихди деп ачыкъ айтхан адамны синагогадан къыстаргъа оноу этген эдиле.

Ахия 9:24

Алай бла, ол алгъын сокъур болгъан адамны экинчи кере чакъырып, анга: «Аллахны махтауу ючюн, тюзюн айт! Ол Адам гюняхлы болгъанын биз билебиз», – дедиле.

Ахия 9:34

Анга жууапха: «Саулай гюняхларынг бла туугъанса, сен да бизними юйретирге кюрешесе?» – дедиле да, аны тышына къыстадыла.

Ишлери 13:8

Хыйнычы Элима уа, (аны атыны магъанасы алай эди), проконсулну иймандан тыяргъа кюрешип, алагъа къажау сёлеше эди.

Ишлери 5:28

«Бу атны айтып юйретмегиз деп, биз сизге къаты буйрукъ бермегенми эдик? Сиз а, окъууугъузну Иерусалимни хар жерине жайгъансыз эм ол Адамны къанын бизни юсюбюзге салыргъа кюрешесиз», – деди.

Ишлери 5:40

Ала анга тынгыладыла. Абустолланы чакъырып, тюйюп, Иссаны атындан айтмагъыз деп буйрукъ берип, аланы жибердиле.

Ишлери 8:1

Шауул а Истефанны ёлтюргенлерин къабыл кёре эди. Ол кюн Иерусалимдеги жамауатха къажау уллу зулмулукъ кезиую башланды. Абустолладан къалгъанла барысы да Иудеяны бла Самарияны жержерлерине чачылдыла.

II Тимотейге 3:8

Яннис бла Ямбрис Мусагъа къажау болгъанлары кибик, бу адамла да хакъ кертиге къажау турадыла. Аланы акъыллары бузукъ болгъанды, ала ийманда сыналыугъа чыдаялмагъанладыла.

II Тимотейге 4:15

Андан сен да кесинги сакъла, нек десенг ол бизни сёзлерибизге бек къажаулукъ этгенди.