Маттай 21:39 - Сыйлы Инжил бла Забур

³⁹ Аны тутхандыла да, жюзюм бахчадан тышына чыгъарып, ёлтюргендиле.

Маттай 21:39 Iomraidhean Croise

Маттай 21:38

Алай а жюзюмчюле уланын кёрюп, бир-бирлерине: „Бу, мюлкге ие боллукъду; барып, аны ёлтюрейик да аны мюлкюне ие болайыкъ“ дегендиле.

Маттай 21:40

Алай бла, жюзюм бахчаны иеси келгенде, бу жюзюмчюлеге не этер?» – деди.

Маттай 26:50

Исса уа анга: «Шуёх, сен не ючюн келдинг?» – деди. Ол заманда ала, Иссагъа жууукъ келип, къолларын узатып, Аны тутдула.

Маттай 26:57

Иссаны тутханла уа Аны баш дин къуллукъчу Къаяфагъа элтдиле, дин алимле бла таматала да ары жыйылгъан эдиле.

Ахия 18:12

Ол заманда аскерчиле, аскер башчысы эмда иудейли къалауурла Иссаны тутуп байладыла.

Ахия 18:24

Ханан Иссаны, байланнганлай, баш дин къуллукъчу Къаяфагъа ийди.

Ишлери 2:23

Аллахны белгилеген муратына эм алгъындан билгенине кёре, къолугъузгъа берилген бу Кишини, сиз тутуп, законсузланы къоллары бла къачха чюйлетип ёлтюргенсиз.

Ишлери 4:10

Сизни барыгъызгъа да, битеу Израильни халкъына да белгили болсун, сиз къачха керген, Аллах а ёлгенледен тиргизген Назаретли Масих Иссаны аты бла бу адам сау болуп аллыгъызда сюелип турады.

Ишлери 5:30

Сиз къачха асып ёлтюрген Иссаны аталарыбызны Аллахы тиргизгенди.

Ишлери 7:52

Сизни аталарыгъыз файгъамбарладан къайсына зулму этмегендиле? Тюзлюклюню келлигин алгъындан билдиргенлени да ёлтюргендиле, энди уа сиз Аны сатханла эм ёлтюргенле болгъансыз.

Якъуп 5:6

Сиз, сюд этип, тюзлюклюлени ёлтюргенсиз; ала сизге къажау турмагъандыла.