Маттай 20:26 - Сыйлы Инжил бла Забур

²⁶ Сизни арагъызда уа алай болмасын: сизни арагъызда уллу болургъа ким сюе эсе да, сизге жумушчу болсун;

Маттай 20:26 Iomraidhean Croise

Маттай 20:27

Эмда сизни арагъызда биринчи болургъа ким сюе эсе да, ол сизге къул болсун.

Маттай 25:44

Ол заманда ала да Анга жууапха: „Раббий! Биз Сени ач болуп, неда суусап болуп, неда жолоучу болуп, неда жаланнгач болуп, неда ауруп, неда тюрмеде болуп къачан кёрюп, Санга къарамай къойгъанбыз?“ деп айтырыкъдыла.

Маттай 27:55

Галилеядан чыгъып Иссагъа къуллукъ эте, Аны ызындан келген кёп тиширыула да, анда болуп, узакъдан къарай эдиле.

Марк 10:43

Сизни арагъызда уа алай болмасын: сизни арагъызда уллу болургъа ким сюе эсе, ол сизге жумушчу болсун.

Марк 10:45

Нек десегиз Адам Улу да Кесине къуллукъ этдирир ючюн тюйюл, Кеси къуллукъ этер ючюн эм кёплени жууар ючюн, Кесини жанын берирге келгенди», – деди.

Марк 9:35

Исса, олтуруп, онекисин чакъырып, алагъа: «Биринчи болургъа ким сюе эсе да, эм артдагъы болсун эм барына да жумушчу болсун», – деди.

Лука 18:14

Сизге айтама: фарисейден эсе, бу бегирек ариуланып, юйюне къайтханды. Нек десегиз кеси-кесин кётюрген хар адам чёкдюрюлюр, кесин чёкдюрген а кётюрюлюр», – деди.

Лука 22:26

Сиз а алай болмагъыз. Алай а, сизде уллу ким эсе да, гитчеча болсун, башчылыкъ этген да жумушчуча болсун.

Ахия 18:36

Исса анга: «Мени Патчахлыгъым бу дуниядан тюйюлдю; Мени Патчахлыгъым бу дуниядан болса эди, Манга къуллукъ этгенле Мен иудейлилени къолларына берилмез ючюн кюрешир эдиле; алай а Мени Патчахлыгъым мындан тюйюлдю», – деп жууап берди.

Ишлери 13:5

Саламисге жетип, иудей синагогалада Аллахны сёзюн билдирип башладыла. Болушургъа биргелерине Ахияны да алгъан эдиле.

II Коринфлилеге 1:24

Бу уа сизни ийманыгъыз бизни оноуубузда болур ючюн кюрешгенден тюйюлдю; алай а, сиз къууаныр ючюн, биз сизни бла бирге ишлеучю нёгерлебиз. Нек десегиз сиз ийманда къаты турасыз.

II Тимотейге 1:18

Раббий Кесини келген кюнюнде анга мархамат этсин. Ол манга Эфесде къаллай бир болушханын а сен иги билесе.

Филимоннга 1:13

Мени Хайыр Хапар ючюн тутмакълыгъымда ол сени орунунга манга болушлукъ этер ючюн, мен аны кесими къатымда къояргъа сюйген эдим.

Чюйютлелеге 1:14

Ала бары да къутхарылыудан юлюшлю боллукълагъа болушур ючюн жиберилген къуллукъ этиучю нюрле тюйюлмюдюле?

I Петер 4:11

Сёлешген адам Аллахны сёзлерин ангылатыр кибик сёлешсин. Къуллукъ этген адам да Аллах берген кючюне кёре къуллукъ этсин. Алай бла Масих Иссаны юсю бла Аллахха хар не жаны бла да махтау салынсын. Махтау да, бийлик да ёмюрледен ёмюрлеге да Аныды. Амин.

I Петер 5:3

Аллахны халкъына бийлик этмей, алай а сюрюуге юлгю берип къуллукъ этигиз.

Билим Ачханы 17:6

Къатын сыйлыланы эм Иссаны шагъатларыны къанларындан эсирип болгъанын кёрдюм эм, аны кёргенде, бек сейирсиндим.