Маттай 20:16 - Сыйлы Инжил бла Забур

¹⁶ Артдагъыла да ма алай алда болурла, алдагъыла да артда болурла; нек десегиз чакъырылгъанла кёпдюле, сайланнганла уа аздыла», – деди.

Маттай 20:16 Iomraidhean Croise

Маттай 19:30

Алай а алдагъыла кёбюсю артда, артдагъыла уа алда боллукъдула».

Маттай 21:31

Аланы экисинден аталарыны буйругъун къайсы толтургъанды?» – деди. Анга: «Биринчи», – дедиле. Исса алагъа: «Кертисин айтама сизге, Аллахны Патчахлыгъына жасакъ жыйыучула бла саякъ тиширыула сизден эсе алгъа барадыла.

Маттай 22:14

Ол себепден чакъырылгъанла кёпдюле, сайланнганла уа аздыла», – деди.

Маттай 7:13

«Тар къабакъдан киригиз; нек десегиз кенг къабакъ бла эркин жол жоюлуугъа элтгенледиле, кёпле да ол къабакъ бла киредиле.

Марк 10:31

Алай а алдагъыла кёбюсю артда, артдагъыла да алда боллукъдула», – деди.

Лука 14:24

Ол себепден сизге айтама: ол алгъа чакъырылгъанладан бири да мени ушхуууруму татарыкъ тюйюлдю, нек десегиз чакъырылгъанла кёпдюле, сайланнганла уа аздыла“, дегенди», – деди.

Лука 15:7

Тобагъа къайтышыргъа кереклилери болмагъан токъсан тогъуз тюзлюклюден эсе, тобагъа къайтышхан бир гюняхлыгъа кёкледе бегирек къууанырыкъдыла деп айтама сизге».

Лука 7:47

Ол себепден а санга айтама: аны кёп гюняхлары кечилгени ючюн ол кёп сюеди. Анга аз кечилген адам а аз сюеди», – деди.

Римлилеге 5:20

Тауратны Закону уа, терслик кёп болур ючюн, артда келгенди. Гюнях кёп болгъан жерде уа Аллахны шафауаты андан да кёп болгъанды.

Римлилеге 8:30

Ол кимлени алгъындан белгили этген эсе, аланы чакъыргъанды; кимлени чакъыргъан эсе, аланы ариулагъанды; кимлени ариулагъан эсе, аланы махтаулу этгенди.

Римлилеге 9:30

Сора не айтайыкъ? Тюзлюклюлюкню излемеген миллетле тюзлюклюлюкге, иймандан келген тюзлюклюлюкге жетгендиле.

I Фесалоникачылагъа 2:13

Ол себепден биз дайым Аллахха шукур этебиз. Сиз бизден эшитген Аллахны сёзюн къабыл этгенигизде муну адамны сёзюча тюйюл, алай а, кертиси бла да болгъаны кибик, Аллахны сёзюча къабыл этгенсиз. Сиз ийманлылада жюрюген да ол сёздю.