Маттай 2:2 - Сыйлы Инжил бла Забур

² «Жангы туугъан Иудей Патчах къайдады? Биз Аны жулдузун кюн чыкъгъан жанында кёргенбиз эмда Анга сежда этерге келгенбиз», – дедиле.

Маттай 2:2 Iomraidhean Croise

Забур 2:6

«Мен Патчахымы сыйлы тауум Сионда жерлешдиргенме», – дерикди.

Забур 45:11

«Тохташыгъыз эмда Аллах Мен болгъанымы билигиз. Миллетле арасында кётюрюллюкме, жер башында кётюрюллюкме».

Маттай 2:3

Муну эшитип, Ирод патчах да, аны бла битеу Иерусалим да, тынгысыз болдула.

Маттай 21:5

«Сионну къызына: „Ма, сени Патчахынг, эшекге, жегилген эшекни гылыууна минип, санга жууашлыкъ бла келеди“ дегиз», – деп айтылгъан сёз толур ючюн болду.

Маттай 27:11

Исса оноучуну аллында тургъанда, оноучу Анга: «Сен Иудей Патчахмыса?» – деп сорду. Исса анга: «Сен айтаса», – деди.

Лука 19:38

«Раббийни аты бла келген Патчах алгъышлыды! Кёкледе жарашыулукъ, Эм Бийикдегине махтау!» – дей эдиле.

Лука 2:11

Бюгюн сизге Дауутну шахарында Къутхарыучу туугъанды, Ол а Раббий Масихди.

Лука 23:3

Пилат Анга: «Сен Иудей Патчахмыса?» – деп сорду. Исса анга жууапха: «Сен айтаса», – деди.

Лука 23:38

Сора Аны баш жанында, грек, рим эмда чюйют сёзле бла: «Бу Иудей Патчахды», – деп жазылгъан жазыу да бар эди.

Ахия 1:49

Натанел Анга: «Устаз! Сен Аллахны Уланыса, Сен Израильни Патчахыса!» – деп жууап этди.

Ахия 12:13

Хурма терек бутакъла алып, Аны аллына чыгъып: «Хозана! Раббийни аты бла келген, Израильни Патчахы алгъышлыды!» – деп къычыра эдиле.

Ахия 18:37

Пилат Анга: «Сора Сен Патчахмыса?» – деди. Исса анга: «Манга Патчах деп айтхан сенсе; Мен хакъ кертини юсюнден шагъатлыкъ этер ючюн туугъанма эм аны ючюн дуниягъа келгенме. Хакъ керти жанлы болгъан хар адам Мени ауазыма тынгылайды», – деп жууап берди.

Ахия 19:19

Пилат а бир жазыу да жазып къачха салды. «Назаретли Исса, Иудей Патчах» деп жазылгъан эди.

Ахия 20:28

Тома Анга жууапха: «Мени Раббийим, мени Аллахым!» – деди.

Ахия 5:23

Атагъа хурмет этгенлери кибик, бары да Уланына хурмет этер ючюн алай этгенди. Уланнга хурмет этмеген адам Аны ийген Атагъа да хурмет этмейди.

Ахия 9:38

Ол а: «Ийнанама, Раббий!» – деди да, Анга сеждагъа ийилди.

Чюйютлелеге 1:6

Аны кибик, тюнгюч Уланын дуниягъа келтиргенинде: «Аллахны битеу мёлеклери Анга сеждагъа ийилсинле», – дейди.

Билим Ачханы 22:16

Мен Исса, жамауатланы юсюнден бу шагъатлыкъланы сизге билдирирге Кесими мёлегими ийгенме. Мен – Дауутну тамырыма эм туудугъума, жарыкъ танг жулдузма».