Маттай 19:21 - Сыйлы Инжил бла Забур

²¹ Исса анга: «Тамам болургъа сюе эсенг, бар, мюлкюнгю сат да, ахчасын факъырлагъа юлеш; алай бла сени хазнанг кёкледе болур. Сора кел, Мени ызымдан жюрю», – деди.

Маттай 19:21 Iomraidhean Croise

Маттай 16:24

Андан сора Исса сохталарына: «Мени ызымдан келирге сюйген адам, кесин унутсун да, кесини къачын алып, Мени ызымдан келсин.

Маттай 19:20

Жаш Анга: «Быланы барын да мен жашлыгъымдан бери тутханма; манга энтда не жетишмейди?» – деди.

Маттай 19:22

Бу сёзню эшитгенде, жаш мудах болуп кетди; нек десегиз аны уллу мюлкю бар эди.

Маттай 19:28

Исса уа алагъа: «Кертисин айтама сизге: сиз, Мени ызымдан тебирегенле, дунияны жангыргъанында, Адам Улу Кесини махтаулу тахтасына олтургъан заманында, сиз да онеки тахтада, Израильни онеки тукъумуна сюд этерге олтурлукъсуз;

Маттай 4:19

Исса алагъа: «Мени ызымдан келигиз, Мен сизни адамланы тутуучула этерме», – деди.

Маттай 5:48

Алай бла, сизни Кёкдеги Атагъыз тамамча, тамам болугъуз».

Маттай 8:22

Исса уа анга: «Мени ызымдан кел, ёлгенлеге кеслерини ёлюлерин асыраргъа къой», – деди.

Маттай 9:9

Андан кетип бара, Исса, жасакъ жыйылгъан жерде олтургъан, Маттай атлы бир адамны кёрюп, анга: «Мени ызымдан кел», – деди. Ол да туруп, Аны ызындан тебиреди.

Марк 10:21

Исса, анга сюйюп къарап: «Санга бир зат жетишмейди: бар, битеу болгъан затынгы сат да, ахчасын жарлылагъа юлеш; алай бла сени хазнанг кёкледе болур. Сора кел, къачынгы алып, Мени ызымдан жюрю», – деди.

Марк 2:14

Кетип бара туруп, Ол, Алфай улу Левийни жасакъ жыйгъан жерде олтуруп тургъанлай кёрюп, анга: «Мени ызымдан кел», – деди. Ол да туруп, Иссаны ызындан кетди.

Марк 8:34

Сора сохталарын бла халкъны Кесини къатына чакъырып, алагъа: «Мени ызымдан келирге сюйген адам, кесин унутсун да, кесини къачын алып, Мени ызымдан келсин.

Лука 12:33

Мюлклеригизни сатыгъыз да садакъа беригиз. Эски болмазлыкъ бохчаланы, тауусулмазлыкъ хазнаны кесигизге кёкледе хазырлагъыз, ары уа гудучу жууукълашмайды, анда кюе да ашамайды.

Лука 14:33

Сизни хар биригиз да алай, битеу болгъан затын къоймаса, Мени сохтам болаллыкъ тюйюлдю.

Лука 16:9

Мен да сизге айтама: (байлыгъыгъыз) жокъ болгъанда, сиз ёмюрлюк мекямлагъа къабыл этилир ючюн тюзлюксюз байлыкъ бла кесигизге шуёхла табыгъыз».

Лука 18:22

Муну эшитип, Исса анга: «Энтда бир зат жетишмейди санга: битеу болгъан затынгы сат да, (ахчасын) факъырлагъа юлеш, алай бла сени хазнанг кёкледе болур. Сора кел да, Мени ызымдан жюрю», – деди.

Лука 5:27

Андан сора Исса чыкъды эмда жасакъ жыйылгъан жерде олтургъан, Левий атлы жасакъ жыйыучуну кёрюп, анга: «Мени ызымдан кел!» – деди.

Лука 6:40

Сохта кесини устазындан уллу тюйюлдю, алай а билими тамам болгъан хар ким да устазыча боллукъду.

Лука 9:23

Сора барына да: «Мени ызымдан келирге сюйген адам кесин унутсун да хар кюн сайын кесини къачын алып, Мени ызымдан келсин.

Ахия 10:27

Мени къойларым Мени ауазыма тынгылайдыла, Мен аланы таныйма, ала да Мени ызымдан келедиле.

Ахия 12:26

Манга жумуш этген адам Мени ызымдан келсин, Мен болгъан жерде Мени жумушчум да боллукъду; Манга жумуш этген адамгъа Мени Атам хурмет этерикди.

Ишлери 2:45

Мюлклерин эм болгъан затларын сатып, ахчасын барына да хар кимни кереклисине кёре юлеше эдиле.

Чюйютлелеге 10:34

Нек десегиз сиз мени тутмакълыгъыма да жарсыгъан эдигиз эм сизни кёкледе эм ахшы, ёмюрлюк мюлкюгюз болгъанын билип, сизни мюлкюгюзню чачханларын окъуна къууанч бла къабыл этген эдигиз.