Маттай 16:16 - Сыйлы Инжил бла Забур

¹⁶ Шимон Петер, жууап эте: «Сен – жашау бериучю Аллахны Уланы Масихсе», – деди.

Маттай 16:16 Iomraidhean Croise

Забур 2:7

Белгиленнгенни билдирейим: Раббий Манга: «Сен Мени Уланымса, Мен Сени бюгюн туудурдум.

Забур 42:2

Нек десенг мени кючлендириучю Аллах Сенсе. Сен мени атып нек къойдунг? Душманны унукъдурууундан мен нек тыхсып жюрюйме?

Маттай 1:16

Якъуп Мариямны эри Юсюпню туудургъанды, Мариямдан а Масих деп айтылгъан Исса туугъанды.

Маттай 14:33

Къайыкъда болгъанла уа къатына келип, Анга сежда этип: «Сен керти да Аллахны Уланыса!» – дедиле.

Маттай 16:15

Ол алагъа: «Сиз а кимге санайсыз Мени?» – деди.

Маттай 26:63

Исса уа сёлешмеди. Сора баш дин къуллукъчу Анга: «Жашау бериучю Аллах бла Санга ант этдиреме, айт бизге, Аллахны Уланы Масих Сенмисе?» – деди.

Маттай 27:54

Жюзбашчы эм аны бла бирге Иссаны сакълагъанла, жер титирегенни эм битеу болуннганны кёргенде, бек къоркъуп: «Кертиси да Бу Аллахны Уланы эди!» – дей эдиле.

Маттай 4:3

Сора терилтиучю, Анга жууукълашып: «Сен Аллахны Уланы эсенг, бу ташлагъа ётмекле болургъа буюр», – деди.

Марк 14:61

Ол а, тынгылап, бир жууап да бермеди. Дагъыда баш дин къуллукъчу Анга соруп: «Алгъышлыны Уланы Масих Сенмисе?» – деди.

Лука 2:11

Бюгюн сизге Дауутну шахарында Къутхарыучу туугъанды, Ол а Раббий Масихди.

Ахия 1:49

Натанел Анга: «Устаз! Сен Аллахны Уланыса, Сен Израильни Патчахыса!» – деп жууап этди.

Ахия 11:27

Марта Анга: «Алайды, Раббий! Сен дуниягъа келген, Аллахны Уланы Масих болгъанынга мен ийнанама», – деди.

Ахия 20:31

Была уа, Исса Аллахны Уланы Масих болгъанына сиз ийнаныр ючюн эм ийнанып, Аны аты бла жашау алыр ючюн жазылгъандыла.

Ахия 6:57

Мени жашау бериучю Атам ийгени, Мен да Атамы кючю бла сау жашагъаным кибик, Мени ашагъан да Мени кючюм бла сау жашарыкъды.

Ахия 6:68

Шимон Петер Анга: «Раббий! Биз кимге барайыкъ? Ёмюрлюк жашауну сёзлери Сендедиле.

Ахия 6:69

Сен жашау бериучю Аллахны Уланы Масих болгъанынга, биз ийнаннганбыз эм билгенбиз», – деп жууап берди.

Ишлери 14:15

«Инсанла! Сиз былай нек этесиз? Биз да сизни кибик адамлабыз эмда сиз бу жалгъан затланы къоюп, кёкню да, жерни да, тенгизни да эм битеу алада болгъанланы да жаратхан жашау бериучю Аллахха ийнанып къайтышыгъыз деп, Хайыр Хапарны сизге айтабыз.

Ишлери 8:36

Жолда бара, ала суугъа жетдиле. Евнух: «Ма, суу; кёмюлдюрюлюуюме не чырмау барды?» – деди.

Ишлери 8:37

Филип да анга: «Битеу жюрегингден ийнана эсенг, боллукъду», – деди. Ол да: «Ийнанама, Масих Исса Аллахны Уланыды», – деп жууап этди.

Ишлери 9:20

Олсагъатдан синагогалада Исса Аллахны Уланы болгъанын билдирип башлады.

Римлилеге 1:4

Эм Кесини кючю бла, сыйлы Нюрюне кёре, ёлгенледен тиргизилгенини юсю бла, Аллахны Уланы болгъаны ачыкъ болгъанды.

II Коринфлилеге 1:19

Нек десегиз Аны юсюнден биз – мен, Силуан эмда Тимотей – сизге билдирген, Аллахны Уланы Масих Исса бирде «хау», бирде «угъай» болмагъанды, алай а Анда жангыз «хау» болгъанды.

II Коринфлилеге 3:3

Сиз Масихни письмосу болгъаныгъызны кёргюзтесиз. Ол письмо уа бизни къуллукъ этиуюбюзню юсю бла шакъы бла угъай, жашау бериучю Аллахны Нюрю бла, таш гыйылагъа тюйюл, эт гыйылагъа, адамланы жюреклерине жазылгъанды.

II Коринфлилеге 6:16

Аллахны юйюню идолла бла бирге не келишиую барды? Нек десегиз сиз, жашау берген Аллахны юйюсюз: «Алада мекям салып, араларында жюрюрюкме. Мен аланы Аллахы боллукъма, ала да Мени халкъым боллукъдула, – деп Аллахны айтханы кибик.

I Фесалоникачылагъа 1:9

Нек десегиз адамла кеслери бизни къалай сюйюп къабыл этгенигизни айтадыла. Сиз, жашау бериучю хакъ керти Аллахха къуллукъ этер ючюн

I Тимотейге 3:15

Мычысам а, сен Аллахны юйюрюнде къалай этерге тийишли болгъанын билир ючюн, быланы санга жазама. Ол юйюр жашау бериучю Аллахны Жамауатыды, хакъ кертини тамалыды эм чигинжисиди.

I Тимотейге 4:10

Биз аны ючюн урунабыз эм аман сёзлеге тёзебиз. Нек десенг жашау бериучю Аллахха ышанабыз; Ол а битеу адамланы, бегирек да ийманлыланы Къутхарыучусуду.

Чюйютлелеге 10:31

Жашау бериучю Аллахны къолларына тюшмеклик къоркъунчлуду!

Чюйютлелеге 12:22

Алай а сиз Сион таугъа эм жашау бериучю Аллахны шахарына, кёкдеги Иерусалимге эм санаусуз мёлеклеге,

Чюйютлелеге 3:12

Сакъ болугъуз, къарындашла, сизден биреуде да жашау бериучю Аллахдан тайгъан харам эм иймансыз жюрек болмасын.

Чюйютлелеге 9:14

Сора ёмюрлюк Нюр бла Кесин таза айыпсызны Аллахха къурманнга келтирген Масихни къаны уа, биз жашау бериучю Аллахха къуллукъ этер ючюн, жюреклерибизни ёлюм келтирген ишледен бек да тазаларыкъды!

I Ахия 4:15

Исса Аллахны Уланы болгъанын ким ачыкъ къабыл этсе, Аллах ол адамда, ол да Аллахда жашайды.

I Ахия 5:20

Эмда Аллахны Уланы келип, биз хакъ керти Аллахны билир ючюн бизге акъыл бергенин билебиз. Биз хакъ керти Аллахдабыз эмда Аны Уланы Масих Иссадабыз. Ол а хакъ керти Аллахды эм ёмюрлюк жашауду.

I Ахия 5:5

Исса Аллахны Уланы болгъанына ийнаннган адамдан башха ким хорлайды бу дунияны?

Билим Ачханы 7:2

Сора мен кюн чыкъгъан жанындан кётюрюлген эм жашау бериучю Аллахны мухуру анда болгъан башха мёлекни кёрдюм. Эмда алагъа жерге бла тенгизге заран салыргъа эркинлик берилген тёрт мёлекге ол уллу ауазы бла: