Маттай 13:24 - Сыйлы Инжил бла Забур

²⁴ Ол алагъа дагъыда башха оюм берген таурухну айтды: «Кёклени Патчахлыгъы, кесини сабанына ахшы урлукъ сепген адамгъа ушайды;

Маттай 13:24 Iomraidhean Croise

Маттай 13:19

Кёклени Патчахлыгъыны юсюнден сёзге тынгылап, ангыламагъан хар адамгъа, хыйлачы келип, аны жюрегине себилгенни алып кетеди: жол жанына себилген ма аны кёргюзтеди.

Маттай 13:25

Адамла жукълагъан заманда уа, аны душманы, келип, будай арасында аман хансла себип кетди.

Маттай 13:31

Ол алагъа дагъыда башха оюм берген таурухну айтды: «Кёклени Патчахлыгъы, аны адам алып сабанына сепген татыран бюртюкге ушайды.

Маттай 13:33

Ол алагъа дагъыда оюм берген башха таурухну айтды: «Кёклени Патчахлыгъы, бир тиширыу алып битеу тылыны ачытыр ючюн, юч ёлче ун бла къатышдыргъан ачытхычха ушайды», – деди.

Маттай 13:37

Ол а алагъа жууапха: «Иги урлукъ себиучю – Адам Улуду.

Маттай 13:47

«Кёклени Патчахлыгъы дагъыда, тенгизге атылгъан, кёп тюрлю чабакъ тутхан чабакъ аугъа ушайды.

Маттай 18:23

Ол себепден, Кёклени Патчахлыгъы, кесини къулларындан тергеу алыргъа сюйген патчахха ушайды.

Маттай 20:1

«Кёклени Патчахлыгъы, эрттенликде-эртте кесини жюзюм бахчасына жалгъа ишчиле алыргъа чыкъгъан жер иесине ушайды.

Маттай 21:33

«Оюм берген башха таурухха да тынгылагъыз. Жер иеси бир адам болгъанды; ол жюзюм бахча орнатып, тёгерегине буруу этгенди, аны ичинде жюзюм эзиучю орун къазгъанды, къала ишлегенди, сора аны жюзюмчюлеге жалгъа берип, узакъгъа кетгенди.

Маттай 22:2

«Кёклени Патчахлыгъы, уланына некях той этген патчахха ушайды.

Маттай 25:1

«Ол заманда Кёклени Патчахлыгъы, чыракъларын алып, киеуню аллына чыкъгъан он къызгъа ушашлы боллукъду.

Маттай 3:2

«Тобагъа къайтышыгъыз, энди Кёклени Патчахлыгъы жууукълашханды», – дей эди.

Маттай 4:23

Сора Исса, битеу Галилеяда, аланы синагогаларында юйрете, Кёклени Патчахлыгъыны юсюнден Хайыр Хапарны билдире эм халкъны арасында хар тюрлю аурууну эм хар тюрлю къарыусузлукъну сау эте айланды.

Лука 13:18

Сора Исса: «Аллахны Патчахлыгъы неге ушайды эмда аны неге ушатайым?

Лука 13:20

Дагъыда: «Аллахны Патчахлыгъын неге ушатайым?

Колослулагъа 1:5

Ийманыгъыз бла сюймеклигигиз кёкледе сизге хазырланнган умутдан тууады. Ол умутну болгъанын, сиз хакъ керти сёзден – алгъын сизге билдирилген Хайыр Хапардан – эшитгенсиз.

I Петер 1:23

Сиз чиририк урлукъдан тюйюл, алай а чиримезлик урлукъдан, Аллахны керти эм ёмюрде да болуп турлукъ сёзюню юсю бла жангыдан туугъанласыз.