Маттай 13:22 - Сыйлы Инжил бла Забур

²² Чыгъана ичине себилген а, сёзню эшитген, алай а бу ёмюрню къайгъысы эм байлыкъгъа алданыулукъ сёзню кючлеп, ол сёз тирлик бермеген адамны кёргюзтеди.

Маттай 13:22 Iomraidhean Croise

Забур 52:7

Сиондан Израильге къутхарыу ким берликди? Аллах Кесини халкъын жесирликден къайтаргъан заманда, Якъуп сюйюнюрюкдю, Израиль къууанч этерикди.

Забур 62:10

Мени жанымы жоюлурун излегенле уа, жерни тюбюне кирликдиле.

Маттай 12:32

Адам Улуна къажау сёз ким айтса да, анга кечилликди; Сыйлы Нюрге къажау ким айтса уа, анга не бу ёмюрде, не боллукъ ёмюрде кечиллик тюйюлдю.

Маттай 13:39

Аланы сепген душман – ибилисди. Оракъла заман – бу ёмюрню ахырыды, оракъчыла уа – мёлекледиле.

Маттай 13:40

Ол себепден, аман хансланы жыйып, отда къалай кюйдюре эселе да, бу ёмюрню ахырында да алай боллукъду:

Маттай 13:7

Бир бёлеги чыгъана ичине тюшдю, чыгъана ёсюп, зыгытланы басды.

Лука 12:15

Ол заманда алагъа: «Къарагъыз, хар тюрлю жутлукъдан кесигизни сакълагъыз, нек десегиз адамны ёмюрю аны мюлкюню кёплюгюне къарамайды», – деди.

Лука 12:21

Аллахны аллында байыкъмай, кесине хазна жыйгъан адамгъа уа алай болады», – деди.

Лука 21:34

Кесигизге сакъ болугъуз, сизни жюреклеригиз артыкъ ашаудан, ичгичиликден, жашау къайгъыладан ауурланмасынла эмда ол кюн сизге билмей тургъаныгъызлай келмесин.

Лука 8:14

Чыгъанагъа тюшген а, ала сёзге тынгылагъанла, алай болгъанлыкъгъа кетгенлей къайгъылагъа, байлыкъгъа, жашаудан зауукъланыулагъа хорлатханла эм хайыр бермегенледиле.

Ишлери 8:18

Шимон а, абустолла къолларын салыу бла Сыйлы Нюр берилгенин кёрюп, алагъа ахча келтирди эм:

Римлилеге 12:2

Эмда бу ёмюрню халы бла келишмегиз, алай а Аллахны ыразы этген ахшылыкълы, тамам толу буйругъу не болгъанын сиз ангылар ючюн акъылыгъызны жангырыуу бла тюрленигиз.

I Коринфлилеге 1:20

Къайдады акъылман? Къайдады алим? Къайдадыла бу ёмюрню философлары? Аллах бу дунияны акъылманлыгъы акъылсызлыкъ болгъанын кёргюзтмегенмиди?

I Коринфлилеге 2:6

Акъылманлыкъны уа биз тамамлыкъгъа жетишгенлени арасында билдиребиз, алай а билдиргенибиз бу ёмюрню кёпге бармазлыкъ башчыларыны акъылманлыкълары тюйюлдю.

I Коринфлилеге 2:8

Аны уа бу ёмюрню башчыларындан бир киши да ангыламагъанды, нек десегиз ангылагъан болсала эди уа, махтаулу Раббийни къачха кермез эдиле.

I Коринфлилеге 3:18

Бир киши да кеси-кесин терилтмесин. Сизден биреу бу ёмюрде кесин акъылманнга санай эсе, ол керти акъылман болур ючюн «акъылсыз» болсун!

II Коринфлилеге 4:4

Кёрюнмеген Аллахны сыфаты болгъан Масихни аламатлыгъыны юсюнден Хайыр Хапарны жарыгъы иймансызланы жарытмаз ючюн, бу ёмюрню аллахы аланы акъылларын сокъур этгенди.

Галатиялылагъа 1:4

Атабыз Аллахны буйругъуна кёре, Масих, бу эндиги огъурсуз ёмюрден бизни къутхарыр ючюн, бизни гюняхларыбыз ючюн Кеси-Кесин бергенди.

Эфеслилеге 2:2

Бир заманлада сиз бу гюняхлада жашагъансыз, бу дунияны адети бла, хауада бийлик этген башчыны – Аллахха бойсунмаучу адамлада энди ишин этген нюрню – ызындан баргъансыз.

I Тимотейге 6:17

Бу ёмюрде байлагъа айтып ангылат, ала кеслерин уллудан кёрмесинле эм ышаннгысыз байлыкъларына ышанмасынла, алай а бизге зауукълукъгъа хар затны да эркин берген жашау бериучю Аллахха ышансынла.

II Тимотейге 4:10

Нек десенг Димас, эндиги ёмюрню сюйюп, мени къоюп, Фесалоникагъа кетгенди. Крескент Галатиягъа, Тит Далматиягъа кетгенди. Мени биргеме жангыз Лука къалгъанды.