Маттай 12:41 - Сыйлы Инжил бла Забур

⁴¹ Нинебалыла хукму кюнде бу тукъум бла сюдге туруп, аны терслерикдиле, нек десегиз ала Жюнюсню ууазындан тобагъа къайтышхандыла. Мындагъы уа Жюнюсден уллуду.

Маттай 12:41 Iomraidhean Croise

Маттай 12:39

Ол а алагъа жууапха: «Бузукъ эм зийначы тукъум илишан излейди, алай а Жюнюс файгъамбарны илишанындан башха анга илишан бериллик тюйюлдю.

Маттай 12:42

Къыбыладагъы тиширыу патчах хукму кюнде бу тукъум бла сюдге туруп, аны терслерикди, нек десегиз ол, Сюлеменни акъылманлыгъына тынгыларгъа жерни этегинден келген эди. Мындагъы уа Сюлеменден уллуду.

Маттай 12:45

Сора барып, кесинден да огъурсуз башха жети харам нюрню биргесине алып келип, ары кирип анда жашайдыла; ол адамны артдагъы халы алгъыннгыдан да аман болады. Бу огъурсуз тукъумгъа да алай боллукъду», – деди.

Маттай 12:6

Алай а, табыныучу юйден уллу Ким эсе, мындагъы Олду, деп айтама сизге;

Маттай 16:4

Бузукъ эм зийначы тукъум илишан излейди, алай а Жюнюс файгъамбарны илишанындан башха, анга илишан бериллик тюйюлдю», – деди. Сора аланы къоюп кетди.

Маттай 17:17

Исса уа жууап эте: «Эй иймансыз, бузукъ тукъум! Сизни бла къачаннга дери турлукъма? Сизге къачаннга дери тёзерикме? Жашны Манга бери келтиригиз!» – деди.

Маттай 23:36

Кертисин айтама сизге, бу бары да бу тукъумну башына келликди.

Лука 11:32

Нинебалыла хукму кюнде бу тукъум бла сюдге туруп, аны терслерикдиле, нек десегиз ала Жюнюсню ууазындан тобагъа къайтышхандыла. Мындагъы уа Жюнюсден уллуду».

Ахия 3:31

Огъартындан Келген, барындан да бийикди; жерден болгъан а – жерденди эм жердегини юсюнден айтады. Кёкден Келген барындан да бийикди.

Ахия 4:12

Сен бизни атабыз Якъупдан уллумуса да? Бу къуюну уа бизге ол бергенди, кеси да, аны сабийлери да, аны маллары да мындан ичгендиле», – деди.

Римлилеге 2:27

Эм жазылгъан жорукъла бла сюннет адет сенде болуп тургъанлай, сен Тауратны бузуучу адам эсенг, табийгъатдан сюннетсиз болуп, Тауратны тутхан адам сени терслемезми?

Чюйютлелеге 11:7

Ийманы бла Нух, алыкъа кёрюнмеген болумланы юсюнден билим алып, Аллахха хурмет этиую бла кесини юйюрюн къутхарыргъа кеме хазырлагъанды. Аны бла ол битеу дунияны терслегенди эм ийманнга таяннган тюзлюклюлюкден юлюшлю болгъанды.