Маттай 10:41 - Сыйлы Инжил бла Забур

⁴¹ Файгъамбарны файгъамбарлыгъы ючюн къабыл этген адам файгъамбарны саугъасын аллыкъды; тюзлюклюню тюзлюклюлюгю ючюн къабыл этген адам да тюзлюклюню саугъасын аллыкъды.

Маттай 10:41 Iomraidhean Croise

Маттай 16:27

Нек десегиз Адам Улу Кесини Атасыны аламатлыгъы бла, Кесини мёлеклери бла келликди; ол заманда хар кимге, ишлерине кёре, тийишлисин берликди.

Маттай 25:44

Ол заманда ала да Анга жууапха: „Раббий! Биз Сени ач болуп, неда суусап болуп, неда жолоучу болуп, неда жаланнгач болуп, неда ауруп, неда тюрмеде болуп къачан кёрюп, Санга къарамай къойгъанбыз?“ деп айтырыкъдыла.

Маттай 25:45

Ол заманда Ол алагъа жууапха: „Кертисин айтама сизге: сиз муну бу эм гитчеледен бирине этмегенигиз себепли, аны Манга этмегенсиз“ деп айтыр.

Маттай 6:1

«Садакъагъызны адамланы аллында ала кёрсюнле деп этмезге сакъ болугъуз, алайсыз сиз Кёкдеги Атагъыздан саугъа аллыкъ тюйюлсюз.

Маттай 6:18

Ораза тутханынг адамланы аллында болмай, алай а ташадагъы Атангы аллында болсун; ташаны кёрюучю Атанг да санга ачыкъ саугъа берир».

Маттай 6:4

Алай бла сени садакъанг ташада болсун; ташаны кёрюучю Атанг да санга ачыкъ саугъа берир».

Маттай 6:6

Сен а, тилек этген заманынгда, отоуунга кир да, эшигинги этип, Ол ташада болгъан Атангдан тилек эт; ташаны кёрюучю Атанг да санга ачыкъ саугъа берир.

Маттай 7:8

Нек десегиз хар тилеген алады, излеген да табады, эшикни къакъгъаннга да ачарла.

Ишлери 16:15

Ол кеси юйюрю бла бирге сууда кёмюлдюрюлгенден сора бизден: «Сиз мени Раббийге ийнаннганнга санай эсегиз, мени юйюме келип, анда туругъуз», – деп тиледи. Эмда бизни къоймай элтди.

Римлилеге 16:23

Мени эм битеу жамауатны къонакъбайы Гай сизге салам айтады. Шахарны казнасын сакълаучу Эраст эм Кууарт къарындаш сизге салам айтадыла.

I Коринфлилеге 9:17

Аны кесим сюйюп эте эсем, саугъа аллыкъма; кесим сюйюп этмей эсем а, жаланда манга берилген къуллукъну толтурама.

Чюйютлелеге 6:10

Нек десегиз Аллах тюзлюксюз тюйюлдю. Сизни урунууугъузну эм сиз Аны сюйген сюймеклигигизни – Аны аты ючюн сыйлылагъа къуллукъ этгенигизни эм энтда эте тургъаныгъызны – Ол унутурукъ тюйюлдю.

II Ахия 1:8

Биз, ол урунуп кюрешгенибизни тас этмей, алай а толу саугъа алыр ючюн, кесигизге къарагъыз.