Маттай 10:23 - Сыйлы Инжил бла Забур

²³ Сизге бир шахарда зулму этген заманда, башхасына къачыгъыз. Нек десегиз кертисин айтама сизге: сиз Израильни битеу шахарларына айланып чыкъгъынчы, Адам Улу келликди.

Маттай 10:23 Iomraidhean Croise

Маттай 16:27

Нек десегиз Адам Улу Кесини Атасыны аламатлыгъы бла, Кесини мёлеклери бла келликди; ол заманда хар кимге, ишлерине кёре, тийишлисин берликди.

Маттай 16:28

Кертисин айтама сизге: былайда тургъанладан бир къауумла ёлюм сынагъынчы, Адам Улуну Кесини Патчахлыгъында келгенин кёрлюкдюле», – деди.

Маттай 2:13

Ала кетгенден сора уа, Раббийни бир мёлеги Юсюпге тюшюнде кёрюнюп: «Тур, Сабийни да, Аны анасын да алып, Мисирге къач, мен санга айтхынчы, анда тур; нек десенг Сабийни ёлтюрюр ючюн, Ирод Аны излерге тебирегенди», – деди.

Маттай 23:34

Ол себепден, ма, Мен сизге файгъамбарланы, акъылманланы, алимлени иеме; сиз аланы бир къауумларын ёлтюрлюксюз, къачха керликсиз, бир къауумларын а синагогаларыгъызда тюериксиз эм шахардан шахаргъа къууарыкъсыз;

Маттай 23:36

Кертисин айтама сизге, бу бары да бу тукъумну башына келликди.

Маттай 24:27

Нек десегиз шыбыла кюн чыкъгъан жанында чыгъып, кюн батхан жанына дери окъуна кёрюннгени кибик, Адам Улуну келиую да алай боллукъду.

Маттай 24:30

Ол заманда кёкде Адам Улуну илишаны кёрюнюрюкдю; ол заманда битеу жерни халкълары жилярыкъдыла, Адам Улуну, уллу къудурети бла эм аламатлыгъы бла кёк булутланы юсюнде келгенин кёрлюкдюле.

Маттай 24:34

Кертисин айтама сизге, бу тукъум озгъунчу бу затла бары да боллукъдула.

Маттай 24:48

Ол къул а, огъурсуз болгъаны себепли, кесини жюрегинде: „Бийим терк келмез“ деп,

Маттай 25:13

Алай бла сагъайып туругъуз; нек десегиз Адам Улуну келлигини не кюнюн, не сагъатын билмейсиз».

Маттай 26:64

Исса анга: «Сен айтдынг; мындан ары сиз Адам Улуну Къудуретлини онг жанында олтуруп, кёкдеги булутланы юсюнде келгенин кёрюрсюз, деп окъуна айтама сизге», – деди.

Маттай 4:12

Ахияны тутулгъанын эшитгенинде уа, Исса Галилеягъа кетди.

Марк 13:26

Ол заманда Адам Улуну уллу къудурети эм аламатлыгъы бла булутланы ичинде келгенин кёрлюкдюле.

Лука 18:8

Кёп турмай, аланы къоруулар деп айтама сизге. Алай а Адам Улу келгенинде жер юсюнде ийман табармы экен?» – деди.

Лука 21:27

Ол заманда Адам Улу, уллу къудурети эм аламатлыгъы бла, булутда келгенин кёрлюкдюле.

Ахия 7:1

Андан сора Исса Галилеяда айланып башлады; иудейлиле Аны ёлтюрюрге излегенлери себепли, Иудеяда айланыргъа сюймей эди.

Ишлери 17:10

Къарындашла уа, мычымай, кече бла Пауулну бла Силаны Бериягъа ашырдыла. Ары келгенлеринде, ала иудей синагогагъа бардыла.

Ишлери 17:14

Ол заманда къарындашла терк окъуна Пауулну тенгизге ашырдыла, Сила бла Тимотей а анда къалдыла.

Ишлери 20:1

Къозгъалыу тохтагъандан сора, Пауул, сохталаны чакъыртып, алагъа насийхат берип, ала бла саламлашып, Македониягъа кетерге жолгъа чыкъды.

Ишлери 8:1

Шауул а Истефанны ёлтюргенлерин къабыл кёре эди. Ол кюн Иерусалимдеги жамауатха къажау уллу зулмулукъ кезиую башланды. Абустолладан къалгъанла барысы да Иудеяны бла Самарияны жержерлерине чачылдыла.