Маттай 10:20 - Сыйлы Инжил бла Забур

²⁰ Ол себепден сиз айтырыкъ тюйюлсюз, алай а сизни Атагъызны Нюрю сизни ичигизде айтып турлукъду.

Маттай 10:20 Iomraidhean Croise

Маттай 6:32

Нек десегиз бу затланы барын да миллетле излейдиле; сизни Кёкдеги Атагъыз а бу затла бары да сизге керек болгъанын биледи.

Марк 12:36

Нек десегиз Дауут кеси Сыйлы Нюрню кёллендириую бла: „Раббий мени Бийиме: ,Мен душманларынгы Сени аякъ тюбюнге салгъынчыгъа дери, Мени онг жанымда олтур‘, – дегенди“ деп айтханды.

Лука 11:13

Алай бла, сиз огъурсуз болгъаныгъызлай да, сабийлеригизге ахшы саугъала берирге биле эсегиз, бегирек да кёкдеги Ата Андан тилегенлеге Сыйлы Нюрню берир», – деди.

Лука 12:12

Нек десегиз не айтыргъа керек болгъанын Сыйлы Нюр сизге ол сагъатда юйретирикди», – деди.

Лука 21:15

Нек десегиз Мен сизге сёзге усталыкъ да, акъылманлыкъ да берликме. Сизге къажау тургъанланы бири да жууап этерге, не къажаулукъ этерге болаллыкъ тюйюлдю.

Ишлери 13:9

Алай а Шауул, аны экинчи аты да Пауул, Сыйлы Нюрден толуп эмда анга жютю къарап:

Ишлери 2:4

Ийнаннганланы барысы да Сыйлы Нюрден толдула эм Нюр алагъа айтыргъа берген башха-башха тилледе сёлешип башладыла.

Ишлери 28:25

Ала бир-бирлери бла келишмей кетип башлагъан заманда Пауул алагъа бу сёзню айтды: «Сыйлы Нюр, Иешая файгъамбарны юсю бла аталарыбызгъа былай тап айтханды:

Ишлери 4:8

Ол заманда Петер, Сыйлы Нюрден толуп, алагъа: «Халкъны башчылары эм Израилни таматалары!

Ишлери 6:10

Алай болгъанлыкъгъа, аны айтхан сёзлериндеги акъылманлыкъгъа эмда Сыйлы Нюрге къажау туралмадыла.

II Коринфлилеге 13:3

Менде Масихни айтханына, сиз патауа излейсиз. Ол сизге къарыусуз тюйюлдю, алай а сизде кючлюдю.

I Фесалоникачылагъа 2:13

Ол себепден биз дайым Аллахха шукур этебиз. Сиз бизден эшитген Аллахны сёзюн къабыл этгенигизде муну адамны сёзюча тюйюл, алай а, кертиси бла да болгъаны кибик, Аллахны сёзюча къабыл этгенсиз. Сиз ийманлылада жюрюген да ол сёздю.

I Петер 1:12

Кёкледен ийилген Сыйлы Нюр бла Хайыр Хапарны айтханланы энди сизге билдиргенлерини хайыры, аланы кеслерине тюйюл, сизге жарагъаны алагъа ачыкъ болгъанды. Бу затлагъа уа мёлекле да къараргъа талпыйдыла.

II Петер 1:21

Нек десегиз бир заманда да файгъамбарлыкъ адамны излеую бла келмегенди, алай а Аллахны сыйлы адамлары аланы Сыйлы Нюр жюрютгени себепли айтхандыла.