Марк 9:20 - Сыйлы Инжил бла Забур

²⁰ Сора жашны Анга келтирдиле. Олсагъатдан, Иссаны кёргенлей, жин жашны къалтыратды; жаш жерге аууп, аууз кёмюклерин ийип, аунап жатды.

Марк 9:20 Iomraidhean Croise

Марк 1:26

Харам нюр, аны къалтыратып, уллу ауаз бла къычырыкъ этип, аны ичинден чыкъды.

Марк 9:18

Къайда тутса да, ол аны жерге аудурады, жашым аууз кёмюклерин иеди эм тишлерин къыжылдатып, къурушуп къалады; ол нюрню къыстагъыз деп, Сени сохталарынга айтхан эдим, ала уа болалмадыла», – деди.

Марк 9:19

Исса, анга жууап эте: «Эй иймансыз тукъум! Сизни бла къачаннга дери турлукъма? Сизге къачаннга дери тёзерикме? Жашны Манга келтиригиз», – деди.

Марк 9:21

Сора Исса жашны атасына: «Мынга не замандан бери былай болады?» – деп сорду. Ол а: «Сабийликден;

Марк 9:26

Нюр къычырыкъ этип эм жашны бек къалтыратып чыкъды; жаш да ёлгенча болду, алай бла кёпле: «Ёлгенди ол», – дей эдиле.

Лука 4:35

Исса: «Тын, бу адамдан чыкъ!» – деп жинни тыйды. Сора жин, ол адамны синагоганы ортасында жыгъып, анга не аз да заран этмей, аны ичинден чыкъды.

Лука 8:29

Нек десегиз Исса харам нюрге ол адамдан чыгъаргъа буйрукъ этген эди. Харам нюр аны кёп кере тута эди, алай бла ол адамны тыяр ючюн, аны сынжырла бла эм бугъоула бла байлай эдиле. Алай болгъанлыкъгъа ол, бугъоуланы юзюп ала эди эмда жин аны адам жашамагъан жерлеге сюре эди.

Лука 9:39

Аны бир нюр тутады, ол билмей тургъанлай къычырады. Нюр аны къалтыратып, аны аууз кёмюклери келеди. Нюр, инжитип, аны кючден къояды.

Лука 9:42

Жаш келе тургъан заманда уа, жин аны жыгъып, къалтыратып башлады. Алай болгъанлыкъгъа Исса харам нюрню тыйды эмда жашны, сау этип, атасына берди.

Ахия 8:44

Сизни атагъыз ибилисди, сиз да атагъызны кюсегенлерин этерге сюесиз. Ол алгъындан да адам ёлтюрюучю болгъанды, хакъ кертиде турмагъанды; нек десегиз анда хакъ керти жокъду. Ол ётюрюк айтхан заманында, кесинден айтады; нек десегиз ол ётюрюкчюдю эм ётюрюкню атасыды.

I Петер 5:8

Аязып, сагъайып туругъуз; нек десегиз сизни душманыгъыз ибилис, хырылдагъан аслан кибик, кимни жутарын излеп айланады.