Марк 5:7 - Сыйлы Инжил бла Забур

⁷ Сора уллу ауаз бла къычырыкъ этип: «Аллаху-Тааланы Уланы Исса, Сени мени бла не ишинг барды? Аллах бла тилейме Сенден, азап чекдирме манга!» – деди.

Марк 5:7 Iomraidhean Croise

Маттай 16:16

Шимон Петер, жууап эте: «Сен – жашау бериучю Аллахны Уланы Масихсе», – деди.

Маттай 26:63

Исса уа сёлешмеди. Сора баш дин къуллукъчу Анга: «Жашау бериучю Аллах бла Санга ант этдиреме, айт бизге, Аллахны Уланы Масих Сенмисе?» – деди.

Маттай 4:3

Сора терилтиучю, Анга жууукълашып: «Сен Аллахны Уланы эсенг, бу ташлагъа ётмекле болургъа буюр», – деди.

Маттай 8:29

Сора ала: «Аллахны Уланы Исса, Сени бизни бла не ишинг барды? Сен бизге замандан алгъа азап берирге келгенсе бери!» – деп къычырдыла.

Марк 1:24

«Къой бизни, Назаретли Исса! Сени бизни бла не ишинг барды? Сен бизни жояргъа келгенсе! Сени ким болгъанынгы билеме, Аллахны Сыйлысыса!» – деди.

Марк 14:61

Ол а, тынгылап, бир жууап да бермеди. Дагъыда баш дин къуллукъчу Анга соруп: «Алгъышлыны Уланы Масих Сенмисе?» – деди.

Марк 3:11

Харам нюрле да, Аны кёрген заманда, Аны аллында аууп: «Сен Аллахны Уланыса!» – деп къычыра эдиле.

Марк 5:6

Иссаны узакъдан кёргенинде уа, чабып келип, Анга сежда этди,

Марк 5:8

Нек десегиз Исса анга: «Харам нюр, чыкъ бу адамдан!» – деп айтхан эди.

Лука 1:32

Ол уллу боллукъду, Анга Аллаху-Тааланы Уланы аталлыкъды. Раббий Аллах, Аны атасы Дауутну тахтасын Анга берликди.

Лука 4:34

«Къой бизни, Назаретли Исса! Сени бизни бла не ишинг барды? Сен бизни жояргъа келгенсе! Сени ким болгъанынгы билеме, Аллахны Сыйлысыса!» – деп къычырды.

Лука 6:35

Сиз а душманларыгъызны сюйюгюз, аладан бир зат да умут этмегенлей, ахшылыкъ да этигиз, ёнгкюч да беригиз. Сора сизге уллу саугъа болур, сиз Аллаху-Тааланы уланлары болурсуз, нек десегиз Ол, игиликни билмегенлеге да, огъурсузлагъа да игиликлиди.

Лука 8:28

Ол Иссаны кёргенлей къычырыкъ этди, Аны аллында аууп, уллу ауаз бла: «Аллаху-Тааланы Уланы Исса, Сени мени бла не ишинг барды? Жалбарып тилейме Сенден, манга азап чекдирме!» – деди.

Ахия 20:31

Была уа, Исса Аллахны Уланы Масих болгъанына сиз ийнаныр ючюн эм ийнанып, Аны аты бла жашау алыр ючюн жазылгъандыла.

Ишлери 16:17

Ол къыз, Пауулну бла бизни ызыбыздан келип: «Бу адамла Аллаху-Тааланы къулларыдыла, была бизге къутхарылыу жолну билдиредиле!» – деп къычыра эди.

Ишлери 19:13

Къыдырып айланыучу иудейли дууачыладан окъуна бир къаууму, огъурсуз нюрлери болгъанлагъа: «Пауул Аны юсюнден ууаз берген Иссаны аты бла сизге буйрукъ этебиз», – деп Раббий Иссаны атын жюрютюп башлагъан эдиле.

Ишлери 8:36

Жолда бара, ала суугъа жетдиле. Евнух: «Ма, суу; кёмюлдюрюлюуюме не чырмау барды?» – деди.

Римлилеге 16:20

Ырахатлыкъ бериучю Аллах а, шайтанны къысха заманда сизни аякъ тюбюгюзде ууатырыкъды. Раббийибиз Масих Иссаны шафауаты сизни бла болсун! Амин.

Чюйютлелеге 2:14

Сабийле уа чархдан бла къандан юлюшлю болгъанлары ючюн, Исса да, ёлюмню бийин – ибилисни, ёлюмню юсю бла къоратыр ючюн, адам табийгъатны Кесине алгъанды.

Чюйютлелеге 7:1

Мелкиседек Салимни патчахы эм Аллаху-Тааланы дин къуллукъчусу эди. Ибрахим патчахланы хорлагъанындан сора къайтып келе туруп, Мелкиседек, Ибрахимни аллына чыгъып, анга алгъыш этген эди.

Якъуп 2:19

Сен Аллахны бирлигине ийнанаса, аны уа иги этесе, жинле да ийнанадыла эм титирейдиле!

II Петер 2:4

Нек десегиз Аллах, гюнях этген мёлеклени да аямай, алай а, жаханимге атып, къарангылыкъда бугъоула бла байлагъан эмда, азап чекдирир ючюн, сюд кюннге сакъларгъа берген эсе,

I Ахия 3:8

Гюнях этген адам ибилисденди; нек десегиз бек алгъа ибилис гюнях этгенди. Ол себепден а Аллахны Уланы ибилисни ишлерин бузар ючюн келгенди.

Яхуда 1:6

Даражаларында къалмай, алай а кеслерини мекямларын къойгъан мёлеклени да, Раббий ачылмазлыкъ бугъоула бла бугъоулап, къарангылыкъны тюбюнде къыяматны уллу кюнюне сакълайды.

Билим Ачханы 12:12

Алай бла, кёкле эм алада жашагъанла къууанч этигиз! Жерде бла тенгизде жашагъанлагъа уа – палах; нек десегиз ибилис, анга заман аз къалгъанын билип, сизге уллу къутурууу бла тюшгенди!»