Марк 4:24 - Сыйлы Инжил бла Забур

²⁴ Алагъа дагъыда: «Не эшитгенигизни эслегиз: не ёлчеу бла ёлчелей эсегиз, сизге да тамам ол ёлчеу бла ёлчеленирикди эмда сизге, тынгылагъанлагъа, андан да кёп берилликди.

Марк 4:24 Iomraidhean Croise

Маттай 7:2

Нек десегиз не терслик бла терслей эсегиз, сиз да ол терслик бла терсленириксиз; не ёлчеу бла ёлчелей эсегиз да, сизге да тамам ол ёлчеу бла ёлчеленирикди.

Марк 9:7

Сора аланы булут келип жапды, булутну ичинден да: «Бу Мени сюйюлюннген Уланымды; Анга тынгылагъыз», – деп сёлешген ауаз чыкъды.

Лука 8:18

Алай бла, сиз къалай тынгылагъаныгъызгъа къарагъыз, нек десегиз кимде бар эсе, анга берилир, кимде жокъ эсе уа, аны барды деп тургъан заты да андан сыйырылыр», – деди.

Ахия 10:16

Мени бу къой орундан болмагъан башха къойларым да бардыла. Мен аланы да къой оруннга жыяргъа керекме, ала да Мени ауазыма тынгыларыкъдыла. Сора бир сюрюу, бир Сюрюучю боллукъду.

Ахия 10:27

Мени къойларым Мени ауазыма тынгылайдыла, Мен аланы таныйма, ала да Мени ызымдан келедиле.

Ахия 5:25

Кертисин, кертисин айтама сизге: ёлгенле Аллахны Уланыны ауазын эшитирик эм эшитгенде сау боллукъ заман келеди, энди келген да этгенди.

Ишлери 17:11

Мындагъыла уа фесалоникачыладан эсе тюз оюмлу эдиле; бу алаймыды деп, хар кюн сайын Сыйлы Китаплада жазылгъанлагъа тинтип къарап, Аллахны сёзюн кёл салып къабыл этдиле.

II Коринфлилеге 9:6

Муну сизге айтама: къызгъанып сепген адам аз орур; чомарт сепген а кёп орур.

Чюйютлелеге 2:1

Ол себепден биз, тюз жолдан ажашмаз ючюн, эшитгенлерибизге бек эс берирге керекбиз.

I Петер 2:2

Жангы туугъан сабийле кибик, Аллахны таза сютге ушагъан сёзюн сюйюгюз, аны бла, ёсюп, къутхарылыугъа жетерсиз.

I Ахия 4:1

Сюйюлюннгенле! Хар тюрлю нюрге ийнанып къалмагъыз, алай а нюрлени Аллахдан болгъанларын сынагъыз. Нек де сегиз дунияда кёп жалгъан файгъамбарла чыкъгъандыла.