Марк 4:11 - Сыйлы Инжил бла Забур

¹¹ Исса алагъа: «Аллахны Патчахлыгъыны сыры сизге ачылгъанды, ол тышхылагъа уа бары да оюм берген таурухла бла айтылады.

Марк 4:11 Iomraidhean Croise

Маттай 11:25

Ол заманда сёзюн бардыра, Исса: «Эй Атам, кёкню да, жерни да Раббийи! Сен бу затланы билимлиледен эм акъыллыладан жашырып, гитче сабийлеге ачханынг ючюн, Санга шукур этеме.

Маттай 13:16

Сизни уа кёзлеригиз кёргенлери ючюн къулакъларыгъыз да эшитгенлери ючюн насыплысыз.

Маттай 16:17

Сора Исса анга жууапха: «Жюнюс улу Шимон, сен насыплыса; нек десенг муну санга ачхан адамла тюйюл, Мени кёкледеги Атамды.

Марк 3:23

Исса, аланы чакъырып, алагъа оюм берген таурухла бла былай айтды: «Шайтан шайтанны къалай къыстар?

Марк 4:10

Халкъ кетгенде уа, Аны тёгерегиндегиле онеки сохтасы бла бирге, Анга оюм берген таурухну магъанасын сордула.

Марк 4:2

Ол аланы оюм берген таурухла бла кёп юйретди эмда Кесини юйретиуюнде алагъа былай айтды:

Лука 8:10

Ол алагъа: «Аллахны Патчахлыгъыны сырлары сизге ачылгъандыла, къалгъанлагъа уа (бары да) оюм берген таурухла бла айтылады, алай бла ала къарасала да кёрмейдиле, эшитселе да ангыламайдыла.

I Коринфлилеге 4:7

Нек десенг сени ким айырып башха кёреди? Сен Аллахдан алмагъан сени не затынг барды? Алгъан эсенг а, нек махтанаса, алмагъан кибик?

II Коринфлилеге 4:6

Нек десегиз къарангылыкъны ичинден жарыкъгъа жарытыргъа буйрукъ этген Аллах, Масих Иссаны бетинде Аллахны аламатлыгъын билиуюбюз бла бизни жарыкъландырыр ючюн бизни жюреклерибизни жарытханды.

Эфеслилеге 1:9

Аллах Масихде алгъындан салгъан Кесини ыразылыгъы бла, Кесини буйругъуну сырын бизге ачыкъ этгенди.

Колослулагъа 4:5

Замандан тап хайырланып, ийнанмагъан адамла бла тюбешгенде, акъыллылыкъ кёргюзтюгюз.

I Фесалоникачылагъа 4:12

Сиз, ийнанмагъан адамланы аллында иги адеплилик этип, бир затдан да керекли болмазча алай жашагъыз.

I Тимотейге 3:7

Тёгерекдегиле да анга иги шагъатлыкъ этерге керекдиле; алайсыз ол, терсленип, ибилисни тузагъына тюшер.

I Ахия 5:20

Эмда Аллахны Уланы келип, биз хакъ керти Аллахны билир ючюн бизге акъыл бергенин билебиз. Биз хакъ керти Аллахдабыз эмда Аны Уланы Масих Иссадабыз. Ол а хакъ керти Аллахды эм ёмюрлюк жашауду.