Марк 2:17 - Сыйлы Инжил бла Забур

¹⁷ Муну эшитип, Исса алагъа: «Дохтур керекли аурумагъанла тюйюлдюле, алай а ауругъанладыла. Мен тюзлюклюлени тюйюл, гюняхлыланы тобагъа къайтышыргъа чакъырыр ючюн келгенме», – деди.

Марк 2:17 Iomraidhean Croise

Маттай 18:10

Къарагъыз, бу гитчеледен бирин да сан этмей къоймагъыз; нек десегиз кёкледе аланы мёлеклери хар заманда Мени Кёкледеги Атамы бетин кёредиле, деп айтама сизге.

Лука 15:10

Сизге айтама: тобагъа къайтышхан бир гюняхлы ючюн да Аллахны мёлеклеринде аллай къууанч болады», – деди.

Лука 15:29

Ол а атасына жууапха: „Ма, мен мынча жылны санга къуллукъ этеме эм бир заманда да сени айтханынгдан чыкъмагъанма. Сен а, мен шуёхларым бла къууаныр ючюн, бир заманда да манга улакъ окъуна бермегенсе.

Лука 15:7

Тобагъа къайтышыргъа кереклилери болмагъан токъсан тогъуз тюзлюклюден эсе, тобагъа къайтышхан бир гюняхлыгъа кёкледе бегирек къууанырыкъдыла деп айтама сизге».

Лука 16:15

Ол алагъа: «Сиз адамланы алларында кесигизни тюзлюклюлеча кёргюзтесиз, Аллах а сизни жюреклеригизни биледи. Адамлагъа уллу кёрюннген зат Аллахны аллында жийиргенчли затды.

Лука 19:10

Нек десегиз Адам Улу, жоюлгъанланы излеп табып, къутхарыргъа келгенди», – деди.

Ахия 9:34

Анга жууапха: «Саулай гюняхларынг бла туугъанса, сен да бизними юйретирге кюрешесе?» – дедиле да, аны тышына къыстадыла.

Ахия 9:40

Муну эшитип, фарисейледен, Аны къатында болгъан бир къауумлары, Анга: «Биздамы сокъурбуз?» – дедиле.

Ишлери 20:21

Иудейлилени да, греклилени да Аллахны аллында тобагъа къайтышыргъа эмда Раббийибиз Масих Иссагъа ийнаныргъа чакъыргъанма.

Ишлери 26:20

Алай а алгъа Дамаскда бла Иерусалимде жашагъанланы, андан сора уа битеу Иудеяны жерин да, башха миллетлилени да, тобагъа тюшюп, Аллахха къайтышыргъа эмда тобагъа къайтышханларына тийишли ишле этерге чакъыргъанма.

Титге 2:14

Масих бизни битеу законсузлукъларыбыздан къутхарыр эм тазалар ючюн эмда ахшылыкъ этерге эришген, кесине айырма халкъ этер ючюн, бизни ючюн Кесин къурманнга бергенди.