Марк 2:13 - Сыйлы Инжил бла Забур

¹³ Сора Исса дагъыда кёл къатына чыкъды. Битеу халкъ Анга барды, Ол да аланы юйрете эди.

Марк 2:13 Iomraidhean Croise

Маттай 13:1

Ол кюн Исса, юйден чыгъып, кёл жагъасына барып олтурду.

Маттай 9:9

Андан кетип бара, Исса, жасакъ жыйылгъан жерде олтургъан, Маттай атлы бир адамны кёрюп, анга: «Мени ызымдан кел», – деди. Ол да туруп, Аны ызындан тебиреди.

Марк 1:45

Ол а, чыкъгъанлай, болуннганны хар жерде жайып билдирип башлады. Ол себепден Исса энди шахаргъа ачыкъ киралмады, алай а тышында, адам болмагъан жерледе турду. Ары Анга хар жерден адамла келе эдиле.

Марк 10:1

Андан кетгенлей, Исса, Иорданны ары жанындан ётюп, Иудеяны жерине келди. Дагъыда Анга халкъ жыйылды; Ол Кесини адети бла дагъыда аланы юйрете эди.

Марк 2:2

Олсагъат кёпле жыйылдыла, алай бла энди эшиклени къатында да жер къалмады. Ол алагъа Аллахны Сёзюн айта эди.

Марк 4:1

Исса дагъыда кёл къатында юйретип башлады. Анга кёп халкъ жыйылды, алай бла Ол кёлде жюзген бир къайыкъгъа минип олтурду, битеу халкъ а кёл къатында эди.

Лука 19:48

Алай а Анга не этерге билмей эдиле, нек десегиз битеу халкъ Анга къулакъ салып тынгылай эди.

Лука 21:38

Битеу халкъ да эрттенликден башлап, Анга тынгылар ючюн табыныучу юйде Аны къатына келе эди.