Марк 16:17 - Сыйлы Инжил бла Забур

¹⁷ Ийнаннганлада уа быллай илишанла боллукъдула: Мени атым бла жинлени къыстарыкъдыла, жангы тилле бла сёлеширикдиле.

Марк 16:17 Iomraidhean Croise

Марк 9:38

Ол заманда Ахия Анга: «Устаз! Сени атынг бла жинлени къыстагъан, бизни ызыбыздан а жюрюмеген бир адамны кёрдюк да, ол бизни ызыбыздан жюрюмегени себепли аны тыйдыкъ», – деди.

Лука 10:17

Жетмиш сохта къууанч бла къайтып келип: «Раббий! Сени атынгы айтханыбызда бизге жинле да бойсунадыла!» – дедиле.

Ахия 14:12

Кертисин, кертисин айтама сизге: Манга ийнаннган, Мен этген ишлени кеси да этерикди эм аладан да уллусун этерикди; нек десегиз Мен Атама барама.

Ишлери 10:46

Нек десегиз аланы, кеслери билмеген тилле бла сёлешип, Аллахны уллулугъуна махтау салгъанларын эшите эдиле. Ол заманда Петер:

Ишлери 16:18

Ол алай кёп кюнлени этген эди. Пауул, ачыуланып, ары айланып нюрге: «Масих Иссаны аты бла санга буйрукъ этеме, чыкъ бу къыздан!» – деди. Сора нюр олсагъатдан окъуна чыкъды.

Ишлери 19:6

Сора Пауул аланы юслерине къолларын салгъанда, алагъа Сыйлы Нюр тюшдю эмда ала кеслери билмеген тилледе сёлешип, файгъамбарлыкъ этип башладыла.

Ишлери 2:33

Алай бла Ол, Аллахны онг жанына чыгъарылып, Атадан, Ол берирге айтхан Сыйлы Нюрню алып, энди, сиз кёргенча эм эшитгенча, бу Нюрню юсюбюзге къуйгъанды.

Ишлери 5:16

Иерусалимни тёгерегиндеги шахарладан да кёп адамла келип жыйылып, ауругъанланы эм харам нюрледен къыйналгъанланы келтире эдиле; быланы барысы да сау этиле эдиле.

Ишлери 8:7

Нек десегиз харам нюрлери болгъан адамланы кёбюсюнден, харам нюрле ачы къычырыкъ этип чыгъа эдиле, саны къурушхан эм ахсакъ болгъан кёп адамла да сау бола эдиле.

I Коринфлилеге 12:10

Биреуге къудуретли ишле этиу, башхасына файгъамбарлыкъ, башхасына нюрлени айырып таныу, башхасына тюрлю тилле, башхасына тиллени ангылатыу фахму бериледи.

I Коринфлилеге 12:28

Аллах сора бир къауумланы жамауатда биринчиге абустолла этип, экинчиге файгъамбарла этип, ючюнчюге устазла этип салгъанды. Андан сора бир къауумлагъа къудуретли ишле этерге кючле эмда ауругъанланы сау этиу саугъала, болушлукъ этиу, оноу этиу, тюрлю-тюрлю тилле бергенди.

I Коринфлилеге 12:30

Ауругъанланы сау этиу саугъала барындамы барды? Билинмеген тилле бла бары дамы сёлешедиле? Бары да тиллени ангылатыучуламыдыла?

I Коринфлилеге 13:1

Мен адам тилледе эм мёлек тилледе окъуна сёлеше эсем да, сюймеклигим жокъ эсе уа, сора мен зынгырдагъан багъырма неда таууш этген кимвалма.

I Коринфлилеге 14:2

Нек десегиз билинмеген тилде сёлешген адам, адамлагъа тюйюл, Аллахха айтады; нек десегиз аны киши ангыламайды, ол нюрю бла таша затланы айтады.