Марк 16:16 - Сыйлы Инжил бла Забур

¹⁶ Ийнаннган эмда сууда кёмюлдюрюлген адам къутхарыллыкъды; ийнанмагъан адамгъа уа сюд этилликди.

Марк 16:16 Iomraidhean Croise

Маттай 28:19

Энди барыгъыз, битеу миллетлени юйретигиз, Атаны, Уланыны эмда Сыйлы Нюрню аты бла аланы сууда кёмюлдюрюгюз.

Марк 1:15

Эмда: «Заман жетгенди, Аллахны Патчахлыгъы жууукълашханды: тобагъа къайтышыгъыз эм Хайыр Хапаргъа ийнаныгъыз», – дей эди.

Лука 8:12

Жол жанына тюшген а, ол сёзге тынгылагъанланы артда уа алагъа ибилис келип, ала ийнанмаз ючюн эм къутхарылмаз ючюн, аланы жюреклеринден сёзню алып кетгенни кёргюзтеди.

Ахия 20:31

Была уа, Исса Аллахны Уланы Масих болгъанына сиз ийнаныр ючюн эм ийнанып, Аны аты бла жашау алыр ючюн жазылгъандыла.

Ахия 3:36

Уланнга ийнаннганны ёмюрлюк жашауу барды; Уланнга бойсунмагъан а жашау кёрлюк тюйюлдю, Аллах ол адамгъа чамланнганлай турады».

Ахия 3:5

Исса анга: «Кертисин, кертисин айтама санга: суудан бла Сыйлы Нюрден туумагъан адам Аллахны Патчахлыгъына кираллыкъ тюйюлдю.

Ахия 5:24

Кертисин, кертисин айтама сизге: Мени сёзюме тынгылагъанны эм Мени Ийгеннге ийнаннганны ёмюрлюк жашауу барды; ол сюдге да тюшмейди, алай а ёлюмден жашаугъа ётгенди.

Ахия 6:29

Исса алагъа жууапха: «Ол Кимни ийген эсе, Анга ийнанмакълыкъ, ма буду Аллахны иши», – деди.

Ахия 6:35

Исса уа алагъа: «Жашауну ётмеги Менме; бир заманда да Манга келген ач боллукъ тюйюлдю эм Манга ийнаннган суусап боллукъ тюйюлдю.

Ахия 6:40

Уланны кёрген эм Анга ийнаннган хар адамны ёмюрлюк жашауу болургъа, Мени ийген Атаны буйругъу олду; Мен да аны ахыр кюн тиргизирикме», – деди.

Ахия 8:24

„Кеси гюняхларыгъыз бла ёллюксюз“ деп, Мен сизге аны ючюн айтханма; нек десегиз ол Келлик Мен болгъаныма ийнанмасагъыз, гюняхларыгъыз бла ёллюксюз», – деди.

Ишлери 10:43

Иссаны юсюнден битеу файгъамбарла, Анга ийнаннган хар адамны гюняхлары Аны аты бла кечилликлерине шагъатлыкъ этедиле», – деди.

Ишлери 13:39

Мусаны Таурат Закону бла сиз кесигизни ариулап болалмагъан хар затыгъыздан, Иссагъа ийнаннган хар адам Аны юсю бла ариуланады.

Ишлери 13:46

Ол заманда Пауул бла Барнаба таукеллик бла алагъа: «Аллахны сёзю бек алгъа сизге билдирилирге керек эди; алай а сиз аны къабыл этмей, кесигиз-кесигизни ёмюрлюк жашаугъа тийишли болмазча этгенигиз ючюн, ма, биз башха миллетлилеге айланып айтабыз.

Ишлери 2:38

Петер а алагъа: «Гюняхларыгъыз кечилир ючюн, тобагъа къайтышыгъыз эм хар биригиз Масих Иссаны аты бла сууда кёмюлдюрюлсюн, сора саугъагъа Сыйлы Нюрню алырсыз.

Ишлери 2:41

Алай бла аны сёзюн сюйюп алгъанла, сууда кёмюлдюрюлдюле. Ол кюн жамауатха юч минг чакълы адам къошулду.

Ишлери 22:16

Энди сен не мычыйса? Тур, сууда кёмюлдюрюл да, Раббий Иссаны атын айтып тилек этип, гюняхларынгдан тазалан“ деп айтды.

Римлилеге 3:6

Чыртда угъай! Аллах дуниягъа алайсыз къалай сюд этер?

Римлилеге 4:24

Алай а бизни юсюбюзден да жазылгъанды. Раббийибиз Иссаны ёлгенледен тиргизген Аллахха ийнаннганыбыз, бизге да тюзлюклюлюкге саналлыкъды.

II Фесалоникачылагъа 1:8

Ол Аллахны билмегенлеге эм Раббийибиз Масих Иссаны Хайыр Хапарына бойсунмагъанлагъа жаннган отда жаза берликди.

II Фесалоникачылагъа 2:12

Алай бла, хакъ кертиге ийнанмай, ётюрюкню сюйгенлени барына да сюд этилликди.

I Петер 1:21

Аны ёлгенледен тиргизип, Анга махтау берген Аллахха Аны юсю бла ийнанасыз. Алай бла ийнаныуугъуз эм ышаныуугъуз Аллаххады.

I Петер 3:21

Аны кибик, бизни да энди ол халда сууда кёмюлдюрюлгенибиз, чархыбызны кирин жуумакълыкъ тюйюлдю, алай а Аллахха тюз ниетли болургъа сёз бермеклик болуп, Масих Иссаны тиргизилгени бла бизни къутхарады.

Билим Ачханы 20:15

Сора жашау китабында аты жазылмагъан хар адам от кёлге атылды.

Билим Ачханы 21:8

Къоркъакъланы, иймансызланы, харамланы, мурдарланы, саякъланы, хыйнычыланы, идоллагъа табыныучуланы эм битеу ётюрюкчюлени къадарлары уа от бла кукурт жаннган кёлдеди; бу экинчи ёлюмдю», – деди.