Марк 14:67 - Сыйлы Инжил бла Забур

⁶⁷ Жылына тургъан Петерни кёрюп, анга ышанлап къарап: «Сен да Назаретли Исса бла эдинг!» – деди.

Марк 14:67 Iomraidhean Croise

Маттай 2:23

Ары келип, Назарет атлы шахарда тохтады. Бу, файгъамбарны юсю бла, «Анга Назаретли аталлыкъды» деп айтылгъан сёз къабыл болур ючюн болду.

Маттай 21:11

Халкъ а: «Бу, Галилеяны Назарет шахарындан болгъан Исса файгъамбарды», – дей эди.

Марк 1:24

«Къой бизни, Назаретли Исса! Сени бизни бла не ишинг барды? Сен бизни жояргъа келгенсе! Сени ким болгъанынгы билеме, Аллахны Сыйлысыса!» – деди.

Марк 10:47

«Бу Назаретли Иссады» дегенни эшитгенлей, ол: «Дауут Улу Исса! Манга жазыкъсын!» – деп къычыра башлады.

Марк 14:54

Петер Иссаны ызындан артхаракъ къалып, баш дин къуллукъчуну арбазыны ичине дери барды; анда къалауурла бла олтуруп, от жанында жылына эди.

Ахия 18:18

Ол заманда къулла бла къалауурла, сууукъ болгъаны себепли, от этип, сюелип жылына эдиле; Петер да ала бла сюелип жылына эди.

Ахия 19:19

Пилат а бир жазыу да жазып къачха салды. «Назаретли Исса, Иудей Патчах» деп жазылгъан эди.

Ишлери 10:38

Аллах Сыйлы Нюр бла эм кюч бла Назаретли Иссаны къалай майлагъанын билесиз. Исса халкъгъа игилик эте эм ибилис бийлегенлени барын да сау эте айланнганды, нек десегиз Аллах Аны бла эди.