Марк 14:18 - Сыйлы Инжил бла Забур

¹⁸ Сора ала олтуруп ашагъан заманда, Исса: «Кертисин айтама сизге, Мени бла ашагъанладан биригиз Мени сатарыкъды», – деди.

Марк 14:18 Iomraidhean Croise

Забур 41:9

Кюндюз Раббий Кесини мархаматын кёргюзтюр, кече да мени Анга зикирим, мени жашатыучу Аллахыма тилегим болур.

Маттай 26:21

Ала ашай тургъан заманда, алагъа: «Кертисин айтама сизге, сизден биригиз Мени сатарыкъды», – деди.

Маттай 5:18

Нек десегиз кертисин айтама сизге: кёк бла жер жокъ болгъунчу, бары да толгъунчу, Тауратдан бир тамгъачыкъ неда бир сызлыкъ жокъ болмаз.

Маттай 6:16

«Аны кибик, ораза тутхан заманыгъызда да, эки бетлиле кибик, мудах болмагъыз; нек десегиз ала, адамлагъа ораза тутханларын кёргюзтюр ючюн, кеслерини бетлерин мудах кёргюзтедиле. Кертисин айтама сизге, ала кеслерини саугъаларын энди аладыла.

Маттай 6:2

Алай бла, садакъа этген заманынгда, эки бетлиле синагогалада бла орамлада, адамла аланы махтар ючюн этгенлери кибик, айтып айланма. Кертисин айтама сизге: ала кеслерини саугъаларын энди аладыла.

Маттай 6:5

«Тилек этген заманынгда да, эки бетлиле синагогалада бла орамланы мюйюшлеринде тохтап, адамланы аллында кёрюнюр ючюн тилек этерге сюйюучюлерича болма. Кертисин айтама сизге, ала кеслерини саугъаларын энди аладыла.

Марк 10:15

Кертисин айтама сизге: Аллахны Патчахлыгъын сабийча къабыл этмеген адам анга кирлик тюйюлдю», – деди.

Марк 10:29

Исса жууапха: «Кертисин айтама сизге: Мени ючюн эм Хайыр Хапар ючюн юйюн, неда къарындашларын, неда эгечлерин, неда атасын, неда анасын, неда къатынын, неда сабийлерин, неда жерлерин къойгъан адам болуп,

Марк 14:17

Ингир болгъанда, Ол онекиси бла келди.

Марк 14:19

Ала мудах болуп, Анга бир-бири ызындан: «Менми болурма, менми болурма?» – деп соруп башладыла.

Марк 14:25

Кертисин айтама сизге: Мен Аллахны Патчахлыгъында жангысын ичер кюнюме дери, энди жюзюмню кёгетинден этилгенни ичерик тюйюлме», – деди.

Марк 14:9

Кертисин айтама сизге: битеу дунияда бу Хайыр Хапар къайда билдирилсе да, бу тиширыуну не этгени айтылыр, кеси да эсге тюшюрюлюр», – деди.

Марк 3:28

Кертисин айтама сизге: адам улуланы битеу гюняхлары да, не аман айтхан эселе да, аман айтханлары да кечилликдиле;

Марк 6:11

Эмда сизни ким къабыл этмесе эм сизге тынгыламаса, андан чыгъа туруп, алагъа шагъатлыкъгъа, аякъларыгъыздагъы букъуну къагъып тюшюрюгюз. Кертисин айтама сизге: къыямат кюн ол шахардан эсе Содомгъа бла Гоморагъа тынчыракъ болур», – деди.

Марк 8:12

Исса, терен ахтынып: «Бу тукъум илишан не ючюн даулайды? Кертисин айтама сизге, бу тукъумгъа илишан бериллик тюйюлдю», – деди.

Марк 9:1

Сора Исса алагъа: «Кертисин айтама сизге: былайда тургъанладан бир къауумла ёлюм сынагъынчы, Аллахны Патчахлыгъы кючю бла келгенин кёрлюкдюле», – деди.

Марк 9:41

Эмда Мени атым ючюн, сиз Масихникилесиз деп, сизге бир аякъ суу ким ичирсе, кертисин айтама сизге, ол саугъасын алмай къалмаз».

Лука 11:51

Абилни къанындан башлап, къурман этилиучю жерни бла табыныучу юйню арасында ёлтюрюлген Зекерияны къанына дери бу тукъумдан тёленирикди. Алайды деп, сизге айтама: бу тукъумдан тёленирикди.

Лука 22:21

Ма энди, Мени сатарыкъны къолу Мени бла бир столдады.

Лука 4:24

Дагъыда: «Кертисин айтама сизге: бир файгъамбар да кесини ата журтунда къабыл этилмейди.

Ахия 1:51

Дагъыда анга: «Кертисин, кертисин айтама сизге: мындан арысында, кёк ачылып, Аллахны мёлеклери, Адам Улуна ёрге чыгъып, энишге тюшгенлерин кёрлюксюз», – деди.

Ахия 13:18

«Сизни барыгъызны юсюнден айтмайма: Мен билеме къайсыланы сайлагъанымы. Алай а Китапда: „Мени биргеме ётмек ашагъан Манга табанын кётюрдю“ деп жазылгъан толур ючюн былай болады.

Ахия 13:21

Муну айтханлай, Иссаны жюреги жунчуп: «Кертисин, кертисин айтама сизге: сизден биригиз Мени сатарыкъды», – деп шагъатлыкъ этди.

Ахия 13:22

Ол заманда сохтала, Ол кимни юсюнден айтханын ангыламай, сейирсинип, бирбирлерине къарадыла.

Ахия 13:38

Исса анга былай жууап этди: «Мени ючюн жанынгымы берликсе? Кертисин, кертисин айтама санга: хораз къычыргъынчы, Мени юч кере инкяр этериксе».

Ахия 21:18

Кертисин, кертисин айтама санга: сен жаш заманынгда, белинги кесинг къысып сюйген жеринге баргъанса; къартайгъанынгда уа, къолларынгы узатырса, сени белинги башха адам къысар да, сюймеген жеринге элтир», – деди.

Ахия 3:11

Кертисин, кертисин айтама санга: Биз билгенибизни юсюнден айтабыз эм кёргенибизни юсюнден шагъатлыкъ этебиз, сиз а Бизни шагъатлыгъыбызны къабыл этмейсиз.

Ахия 3:3

Исса анга жууапха: «Кертисин, кертисин айтама санга: огъартындан туумагъан адам, Аллахны Патчахлыгъын кёраллыкъ тюйюлдю», – деди.

Ахия 3:5

Исса анга: «Кертисин, кертисин айтама санга: суудан бла Сыйлы Нюрден туумагъан адам Аллахны Патчахлыгъына кираллыкъ тюйюлдю.

Ахия 5:19

Бу затха Исса: «Кертисин, кертисин айтама сизге: Улан Атасыны эте тургъанын кёрмесе, Кеси-Кесинден бир зат да эталлыкъ тюйюлдю; Ол не эте эсе да, Улан да алай этеди.

Ахия 6:26

Исса алагъа жууапха: «Кертисин, кертисин айтама сизге: сиз Мени илишанла кёргенигиз ючюн излемейсиз, алай а ётмек ашап тойгъаныгъыз ючюн излейсиз;

Ахия 6:32

Исса уа алагъа: «Кертисин, кертисин айтама сизге: кёкден сизге ётмек берген Муса тюйюлдю, сизге кёкден керти ётмекни берген а Мени Атамды.

Ахия 6:47

Кертисин, кертисин айтама сизге: Манга ийнаннганны ёмюрлюк жашауу барды.

Ахия 6:70

Исса алагъа: «Сиз онекини сайламагъанмамы Мен? Алай а сизден биригиз ибилисди», – деп жууап берди.