Марк 14:14 - Сыйлы Инжил бла Забур

¹⁴ Ол кирген юйню иесине: „Устаз: ,Мен сохталарым бла бирге Къутхарылыу байрамны ашын ашарыкъ отоу къайдады?‘ – дейди“ деп айтыгъыз.

Марк 14:14 Iomraidhean Croise

Марк 10:17

Ол жолгъа чыкъгъан заманда, биреу чабып келип, Аны аллында тобукъланып, Анга: «Ахшы Устаз! Ёмюрлюк жашаудан юлюшлю болур ючюн, мен не этейим?» – деп сорду.

Марк 11:3

Сора сизге биреу: „Сиз муну не этесиз?“ деп айтса, сиз: „Ол Раббийге керекди“ деп жууап этигиз; ол аны олсагъат берип иер» деди.

Марк 14:13

Исса, сохталарындан экисин ийип, алагъа: «Шахаргъа барыгъыз; анда сизге, къошун бла суу алып баргъан адам жолугъур; аны ызындан барып,

Марк 14:15

Ол сизге, жасалып, хазырланнган огъаргъы уллу отоуну кёргюзтюр; анда хазырлагъыз бизге», – деди.

Лука 22:11

Ол юйню иесине: „Устаз санга: ,Мен сохталарым бла бирге Къутхарылыу байрамны ашын ашарыкъ къонакъ отоу къайдады?‘ дейди“ деп айтыгъыз.

Ахия 11:28

Муну айтханлай, барып кесини эгечи Мариямны жашыртын чакъырып: «Устаз мындады, Ол сени чакъырады», – деди.

Ахия 13:13

Сиз Манга Устаз эм Раббий деп айтасыз эмда тюз айтасыз, нек десегиз Мен туура олма.

Билим Ачханы 3:20

Ма, эшикни къатында сюелип, аны къагъып турама: Мени ауазымы эшитип, эшигин ким ачса да, аны къатына кирликме эм аны бла, ол да Мени бла ушхууур ашарыкъбыз.