Марк 13:27 - Сыйлы Инжил бла Забур

²⁷ Сора ол заманда Ол, Кесини мёлеклерин ийип, Кесини сайлагъанларын дунияны тёрт жанындан, жерни къыйырындан кёкню къыйырына дери жыйдырлыкъды.

Марк 13:27 Iomraidhean Croise

Маттай 12:42

Къыбыладагъы тиширыу патчах хукму кюнде бу тукъум бла сюдге туруп, аны терслерикди, нек десегиз ол, Сюлеменни акъылманлыгъына тынгыларгъа жерни этегинден келген эди. Мындагъы уа Сюлеменден уллуду.

Маттай 13:41

Адам Улу Кесини мёлеклерин иерикди, ала Аны Патчахлыгъындан битеу терилтиучюлени бла законсузлукъ этиучюлени жыярыкъдыла да,

Маттай 13:49

Бу ёмюрню ахырында да алай боллукъду: мёлекле, келип, тюзлюклюлени арасындан огъурсузланы айырлыкъдыла да,

Маттай 24:22

Ол кюнле аз этилмеселе эди, бир адам да къутулмаз эди; алай а сайланнганла ючюн ол кюнле аз этилликдиле.

Маттай 24:24

Нек десегиз жалгъан масихле эм жалгъан файгъамбарла чыгъарыкъдыла; амал болса, сайланнганланы окъуна жангылтыр ючюн уллу илишанла бла сейирликле кёргюзтюрюкдюле.

Маттай 24:31

Ол Кесини мёлеклерин уллу ауазлы сур быргъы бла иерикди, ала Аны сайлагъанларын дунияны тёрт жанындан, кёклени бир къыйырындан бирси къыйырына дери жыярыкъдыла.

Марк 13:20

Раббий ол кюнлени аз этмесе эди, бир адам да къутулмаз эди; алай а Ол Кеси сайлагъан сайланнганлары ючюн, ол кюнлени аз этгенди.

Марк 13:22

Нек десегиз жалгъан масихле эм жалгъан файгъамбарла чыгъарыкъдыла; амал болса, сайланнганланы окъуна жангылтыр ючюн илишанла эм сейирликле кёргюзтюрюкдюле.

Марк 13:28

Инжир терекден юлгю алыгъыз: аны бутакълары жумушап чапыракъ ийгенде, жай жууукъ болгъанын билесиз.

Лука 16:22

Факъыр ёлгенди, сора мёлекле аны Ибрахимни жанына элтгендиле, бай да ёлгенди, аны асырагъандыла.

Лука 18:7

Аллах а, кече да, кюн да, Андан тилек этип тургъан, Кесини сайлагъанларын къорууларыкъ тюйюлмюдю? Аланы кёп заман сакълатырыкъмыды?

Ахия 10:16

Мени бу къой орундан болмагъан башха къойларым да бардыла. Мен аланы да къой оруннга жыяргъа керекме, ала да Мени ауазыма тынгыларыкъдыла. Сора бир сюрюу, бир Сюрюучю боллукъду.

Ахия 11:52

Эм жаланда ол халкъ ючюн тюйюл, Аллахны чачылып айланнган сабийлерин да бирге жыяр ючюн ёллюгюн алгъындан айтхан эди.

Римлилеге 8:33

Аллах сайлагъанланы ким терслерикди? Аланы ариулаучу Аллахды.

Колослулагъа 3:12

Алай бла, сюйюлюннген сыйлыла, Аллах сайлагъанлача, жумушакъ жюреклиликни, жазыкъсыныулукъну, сабыр акъыллылыкъны, жууашлыкъны, кёп тёзюмлюлюкню юсюгюзге кийигиз.

II Фесалоникачылагъа 2:1

Сизден тилейбиз, къарындашла, бизни Раббийибиз Масих Исса бизни Кесини биргесине алыргъа келлигине ишек болмагъыз.

II Тимотейге 2:10

Ол себепден Аллах сайлагъанла, Масих Исса алагъа берлик къутхарыуну эм ёмюрлюк махтауну алсынла деп, ала ючюн хар неге да тёземе.

I Петер 1:2

Нюрден сыйлыланыу бла, сёзге тынгылаугъа эм Масих Иссаны къаны бла бюркюлюуге, Аллах Ата алгъындан билип сайлагъанлагъа: сизге шафауат бла ырахатлыкъ кёп болсун.