Марк 1:41 - Сыйлы Инжил бла Забур

⁴¹ Иссаны анга жаны ауруп, къолун узатып, анга тийип: «Сюеме, тазалан!» – деди.

Марк 1:41 Iomraidhean Croise

Забур 33:9

Татыгъыз, Раббийни къалай ахшылыкълы болгъанын кёрюрсюз. Анга ышаннган адам насыплыды!

Маттай 9:36

Жыйын халкъны кёргенинде, ала къыйналып, сюрюучюлери болмагъан къойла кибик чачылып айланнганларына Иссаны алагъа жаны ауруду.

Марк 1:40

Анга келепен ауруулу келип, Анга жалбарып эмда Аны аллында тобукъланып: «Сюйсенг, мени тазаларгъа болаллыкъса», – деди.

Марк 1:42

Ол сёзден сора келепен ауруу олсагъат андан кетип, ол тазаланып къалды.

Марк 4:39

Сора Ол, туруп желни тыйды, кёлге да: «Тын, тохта!» – деди. Жел тохтап, терен шошлукъ болуп къалды.

Марк 5:41

Эмда къызны къолундан тутуп, анга: «Талита куми!» – деди, аны магъанасы уа: «Къызым, санга айтама, тур!» – деген сёздю.

Марк 6:34

Исса, чыгъып, кёп халкъны кёргенде, алагъа жаны ауруду; нек десегиз ала сюрюучюлери болмагъан къойла кибик эдиле; сора алагъа кёп зат юйретип башлады.

Чюйютлелеге 1:3

Улан Аллахны аламатлыгъыны нюр жарыгъыды, Ол Аллахны Кесини сыфатыды эм хар нени да Кесини кючлю сёзю бла тутады. Кеси, бизни гюняхларыбыздан тазалап, уллу Аллахны тахтасыны онг жанында бийикде олтургъанды.

Чюйютлелеге 2:17

Ол себепден Исса, Аллахха къуллукъ этиую бла мархаматлы эм ышаннгылы Баш Дин Къуллукъчу болуп, халкъны гюняхларын кечдириучю къурман болур ючюн, хар не жаны бла да къарындашларына ушаргъа керек эди.

Чюйютлелеге 4:15

Нек десегиз бизни Баш Дин Къуллукъчубуз къарыусузлукъларыбызда бизге жазыкъсыналмазча аллай тюйюлдю. Ол хар не жаны бла да бизни кибик сыналгъанды, алай а гюнях этмегенди.