Лука 9:48 - Сыйлы Инжил бла Забур

⁴⁸ Алагъа: «Бу сабийни Мени атым ючюн ким къабыл этсе, ол Мени къабыл этеди. Мени къабыл этген адам а, Мени Ийгенни къабыл этеди. Ол себепден, сизден барыгъыздан да эм гитче ким эсе да, ол эм уллу боллукъду», – деди.

Лука 9:48 Iomraidhean Croise

Маттай 18:10

Къарагъыз, бу гитчеледен бирин да сан этмей къоймагъыз; нек десегиз кёкледе аланы мёлеклери хар заманда Мени Кёкледеги Атамы бетин кёредиле, деп айтама сизге.

Маттай 18:14

Ол себепден бу гитчеледен бири да жоюлургъа, сизни Кёкледеги Атагъызны буйругъу жокъду».

Маттай 19:28

Исса уа алагъа: «Кертисин айтама сизге: сиз, Мени ызымдан тебирегенле, дунияны жангыргъанында, Адам Улу Кесини махтаулу тахтасына олтургъан заманында, сиз да онеки тахтада, Израильни онеки тукъумуна сюд этерге олтурлукъсуз;

Маттай 25:40

Патчах да алагъа жууапха: „Кертисин айтама сизге: сиз муну Мени бу эм гитче къарындашларымдан бирине этгенигиз себепли, аны Манга этгенсиз“ деп айтырыкъды.

Маттай 25:45

Ол заманда Ол алагъа жууапха: „Кертисин айтама сизге: сиз муну бу эм гитчеледен бирине этмегенигиз себепли, аны Манга этмегенсиз“ деп айтыр.

Марк 9:37

«Быллай сабийледен бирин Мени атым ючюн ким къабыл этсе, ол Мени къабыл этеди. Мени къабыл этген адам а, Мени тюйюл, алай а Мени Ийгенни къабыл этеди», – деди.

Лука 10:16

Сизге тынгылагъан Манга тынгылайды, сизни къабыл этмей къойгъан да Мени къабыл этмей къояды. Мени къабыл этмей къойгъан а Мени Ийгенни къабыл этмей къояды», – деди.

Лука 14:11

Нек десенг кеси-кесин кётюрген хар адам чёкдюрюлюр, кесин чёкдюрген а кётюрюлюр», – деди.

Лука 22:26

Сиз а алай болмагъыз. Алай а, сизде уллу ким эсе да, гитчеча болсун, башчылыкъ этген да жумушчуча болсун.

Лука 22:30

Мени Патчахлыгъымда Мени столумда ашарыкъсыз эм ичериксиз эмда Израильни онеки тукъумуна сюд этерге тахталада олтурлукъсуз», – деди.

Лука 7:28

Ол себепден сизге айтама: къатынладан туугъанладан, сууда Кёмюлдюрюучю Ахиядан уллу бир файгъамбар да жокъду, алай а Аллахны Патчахлыгъында эм гитче андан уллуду», – деди.

Ахия 13:20

Кертисин, кертисин айтама сизге: Мен кимни ийсем, аны къабыл этген Мени къабыл этеди, Мени къабыл этген а Мени Ийгенни къабыл этеди», – деди.

Ахия 14:21

Мени фарызларымы алып, аланы тутхан адам, Мени сюеди; Мени сюйген адамны уа, Мени Атам сюерикди, Мен да аны сюерикме эмда анга Кесим кёрюнюрюкме», – деди.

I Фесалоникачылагъа 4:8

Алай бла, бу юйретиуню къабыл этмеген, адамны тюйюл, алай а бизге Кесини Сыйлы Нюрюн берген Аллахны къабыл этмей къояды.

I Петер 5:6

Алай бла Аллахны кючлю къолуну тюбюнде бойсунугъуз, Ол сизни заманында кётюрюр.

Билим Ачханы 21:14

Шахарны къабыргъасы онеки мурдорну юсюнде ишленнген эди, аланы юсюнде да Къозуну онеки абустолуну атлары жазылып эди.

Билим Ачханы 3:21

Мен хорлап, Атамы биргесине Аны тахтасында олтургъаным кибик, хорлагъаннга да Мени биргеме Мени тахтамда олтурургъа эркинлик берликме.