Лука 9:41 - Сыйлы Инжил бла Забур

⁴¹ Исса уа жууап эте: «Эй иймансыз, бузукъ тукъум! Сизни бла къачаннга дери болуп, сизге тёзюп турлукъма? Жашынгы бери келтир!» – деди.

Лука 9:41 Iomraidhean Croise

Забур 78:8

Бизни ата-бабаларыбызны гюняхларын бизге жетдирме: Сени ырахматынг къысха заманда аллыбызгъа чыкъсын, нек десенг биз бек къарыусуз болгъанбыз.

Маттай 11:28

Битеу инжилгенле эмда унукъгъанла, Манга келигиз, Мен сизни тынчайтырыкъма.

Маттай 12:39

Ол а алагъа жууапха: «Бузукъ эм зийначы тукъум илишан излейди, алай а Жюнюс файгъамбарны илишанындан башха анга илишан бериллик тюйюлдю.

Маттай 12:45

Сора барып, кесинден да огъурсуз башха жети харам нюрню биргесине алып келип, ары кирип анда жашайдыла; ол адамны артдагъы халы алгъыннгыдан да аман болады. Бу огъурсуз тукъумгъа да алай боллукъду», – деди.

Маттай 16:4

Бузукъ эм зийначы тукъум илишан излейди, алай а Жюнюс файгъамбарны илишанындан башха, анга илишан бериллик тюйюлдю», – деди. Сора аланы къоюп кетди.

Маттай 17:17

Исса уа жууап эте: «Эй иймансыз, бузукъ тукъум! Сизни бла къачаннга дери турлукъма? Сизге къачаннга дери тёзерикме? Жашны Манга бери келтиригиз!» – деди.

Маттай 23:36

Кертисин айтама сизге, бу бары да бу тукъумну башына келликди.

Маттай 3:7

Ахия уа, кёп фарисейлени бла садукейлени анга сууда кёмюлдюрюлюрге келгенлерин кёрюп, алагъа: «Жилянны балалары! Келлик чамланыудан къачаргъа сизни ким юйретгенди?

Марк 10:14

Муну кёргенде, Исса ачыуланып: «Сабийлени Манга келирге къоюгъуз, алагъа чырмау этмегиз! Нек десегиз Аллахны Патчахлыгъы аллайланыды.

Марк 10:49

Исса, тохтап, аны чакъырыргъа буюрду. Сокъурну чакъырып, анга: «Къоркъма, тур, чакъырады сени», – дедиле.

Марк 9:19

Исса, анга жууап эте: «Эй иймансыз тукъум! Сизни бла къачаннга дери турлукъма? Сизге къачаннга дери тёзерикме? Жашны Манга келтиригиз», – деди.

Лука 8:25

Ол заманда Ол алагъа: «Сизни ийнаныуугъуз къайдады?» – деди. Ала уа къоркъуп эм сейирсинип, бир бирлерине: «Бу кимди, желге да, суугъа да буйрукъ этген, ала да Анга бойсуннган?» – дей эдиле.

Лука 9:40

Нюрню къыстаргъа мен Сени сохталарынгдан тилеген эдим, ала уа болалмадыла», – деп, къычырып айтды.

Лука 9:42

Жаш келе тургъан заманда уа, жин аны жыгъып, къалтыратып башлады. Алай болгъанлыкъгъа Исса харам нюрню тыйды эмда жашны, сау этип, атасына берди.

Ахия 14:9

Исса анга: «Быллай бир заманны Мен сизни бла болгъанлай да, сен Мени танымаймыса, Филип? Мени кёрген Атаны кёргенди; сора сен: „Бизге Атаны кёргюзт“ деп къалай айтаса?

Ахия 20:27

Андан сора Томагъа: «Бармагъынгы узат да, къолларыма къара; къолунгу узат да, къабыргъама сал. Ийнанмаучу болма да, ийнаныучу бол!» – деди.

Ишлери 13:18

Эмда къыркъ жыл чакълы заманны ичинде къум тюзде алагъа ашарыкъ берип тургъанды.

Ишлери 2:40

Эм башха кёп сёзле бла шагъатлыкъ этип: «Бу бузукъ тукъумдан кесигизни къутхарыгъыз!» – деп жалбарды.

Римлилеге 2:4

Неда Аллахны ахшылыкъдан байлыгъын, сабырлыгъын эм кёп тёзюуюн сансыз этипми къояса, Аллахны ахшылыгъы сени тобагъа къайтарыргъа элтгенин ангыламаймыса?

Чюйютлелеге 3:19

Алай бла ала иймансызлыкъларына кёре киралмай къалгъанларын кёребиз.

Чюйютлелеге 4:11

Алай бла, бизден бир киши да аладан юлгю алып боюн салмаулукъгъа тюшмез ючюн, ол ырахатлыкъгъа кирирге кюрешейик.

Чюйютлелеге 4:2

Нек десегиз къутхарылыуну юсюнден Хайыр Хапар алагъа билдирилгени кибик, бизге да билдирилгенди; алай а ала эшитген сёзню ийман бла къабыл этмегенлери себепли, ол сёз алагъа файда бермегенди.

Чюйютлелеге 7:25

Ол себепден Ол Аны юсю бла Аллахха жууукълашханланы толусунлай къутхарыргъа болаллыкъды, нек десегиз, алагъа ёкюллюк этер ючюн, хар заманда да сау жашап турады.