Лука 9:22 - Сыйлы Инжил бла Забур

²² «Адам Улу кёп азап чегерге керекди; таматала, баш дин къуллукъчула, дин алимле Аны къабыл этмей къоярыкъдыла. Ол ёлтюрюллюкдю эм ючюнчю кюн тиргизилирикди», – деди.

Лука 9:22 Iomraidhean Croise

Маттай 17:12

Мен а сизге айтама: Илияс да келгенди, алай а аны танымагъандыла, анга да сюйгенлерича этгендиле; Адам Улу да аладан алай азап кёрлюкдю», – деди.

Маттай 17:22

Ала Галилеяда болгъан заманда, Исса алагъа: «Адам Улу адамланы къолларына берилликди.

Маттай 27:63

«Жюйюсхан! Ол алдауукъчу сау заманында: „Юч кюнден сора тиргизилликме“ деп айтханы эсибизге тюшдю.

Марк 8:31

Сора Ол: «Адам Улу кёп азап чегерге керекди. Таматала, баш дин къуллукъчула эм дин алимле, Аны къабыл этмей къоярыкъдыла. Ол ёлтюрюллюкдю эм ючюнчю кюн тиргизилликди», – деп аланы юйретип башлады.

Марк 9:31

Нек десегиз Ол Кесини сохталарын юйретип, алагъа: «Адам Улу адамланы къолларына берилликди. Аны ёлтюрлюкдюле, Ол а ёлтюрюлгенден сора ючюнчю кюн тиргизилликди», – дей эди.

Лука 17:25

Алай а, алгъа Ол кёп къыйналыргъа эм бу тукъум Аны къабыл этмей къояргъа керекди.

Лука 24:26

Масих алай азап чегип, Кесини махтаууна алай жетерге керек тюйюлмю эди?» – деди.

Лука 24:44

Сора алагъа: «Мени юсюмден Мусаны Таурат китабында, файгъамбарланы китапларында эмда Забурда битеу жазылгъанла толургъа керекдиле деп, сизни бла болгъан заманында, ма муну юсюнден айтхан эдим Мен сизге», – деди.

Лука 24:7

„Адам Улу гюняхлы адамланы къолларына берилирге, къачха керилирге эмда ючюнчю кюн тиргизилирге керекди“ деп айтханын эсигизге тюшюрюгюз», – дедиле.

Лука 9:44

«Бу сёзлени сиз къулакъларыгъызгъа салыгъыз: Адам Улу адамланы къолларына берилликди», – деди.

I Коринфлилеге 15:4

Эм Аны асыралгъаны да, ючюнчю кюн тиргизилгени да, Сыйлы Китаплада жазылгъанына кёре болгъанын,

I Петер 1:11

Масихни алада болгъан Нюрю Масихни азап чегеригин эм аны ызындан махтаулу боллугъун алгъындан билдирген заманда, ала ол Нюр къайсы эм не заманны кёргюзтгенин тинтип къарагъандыла.