Лука 9:19 - Сыйлы Инжил бла Забур

¹⁹ Ала жууапха: «Сууда Кёмюлдюрюучю Ахиягъа, башхала уа Илиясха, дагъыда башхала уа буруннгу файгъамбарладан бирлери тиргизилгенди деп айтадыла», – дедиле.

Лука 9:19 Iomraidhean Croise

Маттай 14:2

Кесини жумушчуларына: «Бу сууда Кёмюлдюрюучю Ахияды; ол ёлгенледен тиргизилгенди, ол себепден къудуретли ишлени эталады», – дей эди.

Маттай 3:1

Ол кюнледе сууда Кёмюлдюрюучю Ахия, келип, Иудеяны къум тюзюнде ууаз бере эди:

Марк 6:14

Иссаны аты белгили болгъаны себепли, Ирод патчах да быланы хапарын эшитди. Бир къауумла: «Бу сууда Кёмюлдюрюучю Ахия ёлгенледен тиргизилгенди, ол себепден къудуретли ишлени Ол этеди», – дей эдиле.

Марк 6:15

Башхала: «Ол Илиясды», – дей эдиле. Бир къауумла уа: «Ол файгъамбарды, неда файгъамбарладан бири кибикди», – дей эдиле.

Лука 9:18

Бир жолда Исса таша жерде тилек этген заманда, сохталары да Аны биргесине эдиле. Ол алагъа: «Халкъ Мени кимге санайды?» – деп сорду.

Лука 9:20

Исса алагъа: «Сиз а Мени кимге санайсыз?» – деп сорду. Петер: «Аллахны Масихине», – деп жууап этди.

Ахия 1:21

Ала анга: «Сора не? Сен Илиясмыса?» – деп соргъандыла. Ол: «Тюйюлме», – дегенди. «Ол файгъамбармыса?» – дегендиле. Ол: «Угъай», – деп жууап бергенди.

Ахия 1:25

Ала да анга: «Сен не Масих, не Илияс, не ол файгъамбар тюйюл эсенг, сора адамланы сууда нек кёмюлдюресе?» – деп сордула.

Ахия 7:40

Халкъдан кёбюсю, ол сёзлени эшитип: «Кертиси да ол Файгъамбар Буду», – дей эдиле.

Ахия 9:17

Дагъыда сокъургъа: «Сен Аны юсюнден не айтырыкъса, Ол сени кёзлеринги ачханды?» – дедиле. Ол а: «Ол файгъамбарды», – деди.