Лука 8:18 - Сыйлы Инжил бла Забур

¹⁸ Алай бла, сиз къалай тынгылагъаныгъызгъа къарагъыз, нек десегиз кимде бар эсе, анга берилир, кимде жокъ эсе уа, аны барды деп тургъан заты да андан сыйырылыр», – деди.

Лука 8:18 Iomraidhean Croise

Маттай 13:12

Нек десегиз кимде бар эсе, анга берилир эм кёбейир; кимде жокъ эсе уа, андан неси бар эсе да сыйырылыр;

Маттай 25:29

Нек десегиз анда бар болгъан хар кимге кёбюрек берилликди эм ол кёп боллукъду, анда жокъ болгъандан а, бар болгъаны да сыйырыллыкъды.

Марк 13:14

Даниял файгъамбар айтханча, халеклик келтириучю жийиргенчли затны, болмазгъа керек болгъан жеринде тургъанын кёрген заманыгъызда уа – окъугъан ангыласын, – ол заманда Иудеяда болгъанла таулагъа къачсынла;

Лука 19:26

Ол а: „Сизге айтама: анда бар болгъан хар кимге берилликди, анда жокъ болгъандан а бар болгъан заты да сыйырыллыкъды.

Лука 9:44

«Бу сёзлени сиз къулакъларыгъызгъа салыгъыз: Адам Улу адамланы къолларына берилликди», – деди.

Ахия 15:2

Менде болуп кёгет бермеген хар бутакъны Ол кесип атады; кёгет берген хар бутакъны да дагъыда кёп кёгет берир ючюн тазалайды.

Ишлери 10:33

Ол сагъатдан мен санга адамла ийдим, сен да келгенинги иги этдинг. Энди уа биз барыбыз да Аллахны аллында турабыз, санга Аллахдан айтыргъа буюрулгъанланы барысына да тынгыларгъа хазырбыз», – деди.

Ишлери 17:11

Мындагъыла уа фесалоникачыладан эсе тюз оюмлу эдиле; бу алаймыды деп, хар кюн сайын Сыйлы Китаплада жазылгъанлагъа тинтип къарап, Аллахны сёзюн кёл салып къабыл этдиле.

Римлилеге 12:3

Аллах манга берген шафауатха кёре, сизни хар биригизге да айтама: кеси юсюгюзден кереклисинден кёп ойлашмагъыз; алай а Аллах хар биригизге да юлешип берген ийманыгъызны мардасына кёре эслилик бла ойлашыгъыз.

I Коринфлилеге 14:37

Кесин файгъамбаргъа неда нюр фахмусу болгъаннга санагъан адам, мени сизге жазгъанларым Раббийни фарызлары болгъанларын ангыласын.

I Коринфлилеге 3:18

Бир киши да кеси-кесин терилтмесин. Сизден биреу бу ёмюрде кесин акъылманнга санай эсе, ол керти акъылман болур ючюн «акъылсыз» болсун!

I Коринфлилеге 8:2

Мен бир зат билеме деп ойлашхан адам, ол билирге кереклисича алыкъа бир зат да билмейди;

Чюйютлелеге 2:1

Ол себепден биз, тюз жолдан ажашмаз ючюн, эшитгенлерибизге бек эс берирге керекбиз.