Лука 8:10 - Сыйлы Инжил бла Забур

¹⁰ Ол алагъа: «Аллахны Патчахлыгъыны сырлары сизге ачылгъандыла, къалгъанлагъа уа (бары да) оюм берген таурухла бла айтылады, алай бла ала къарасала да кёрмейдиле, эшитселе да ангыламайдыла.

Лука 8:10 Iomraidhean Croise

Маттай 11:25

Ол заманда сёзюн бардыра, Исса: «Эй Атам, кёкню да, жерни да Раббийи! Сен бу затланы билимлиледен эм акъыллыладан жашырып, гитче сабийлеге ачханынг ючюн, Санга шукур этеме.

Маттай 16:17

Сора Исса анга жууапха: «Жюнюс улу Шимон, сен насыплыса; нек десенг муну санга ачхан адамла тюйюл, Мени кёкледеги Атамды.

Марк 4:11

Исса алагъа: «Аллахны Патчахлыгъыны сыры сизге ачылгъанды, ол тышхылагъа уа бары да оюм берген таурухла бла айтылады.

Марк 4:12

Алай бла ала къарап къарасала да кёрмейдиле; эшитип эшитселе да ангыламайдыла эмда гюняхларын кечиртир ючюн къайтышырыкъ тюйюлдюле», – деди.

Ахия 12:40

«Аллах аланы кёзлерин сокъур этгенди, жюреклерин таш этгенди, кёзлери бла кёрмейдиле, жюреклери бла да ангыламайдыла эм къайтышмайдыла, Мен Аллах а аланы сау этер эдим», – деп айтханы кибик.

I Коринфлилеге 12:11

Быланы барын да бир Нюр этдиреди, хар бирине Кеси сюйгенча энчи юлешеди.

Колослулагъа 2:2

Аланы жюреклери жапсарылып, сюймеклик бла бирлешип, хар не жаны бла да толу ангылаудан бай болуп, ала Аллах Ата ны тасхасын – Масихни ангылар ючюн алай этеме.

I Тимотейге 3:16

Сёзсюз, Аллахны жолуну тасхасы уллуду: Аллах адам чархы бла Кесин ачыкъ этгенди, Кесин Сыйлы Нюр бла тюз кёргюзтгенди, мёлеклеге кёрюннгенди, миллетле арасында билдирилгенди, дунияда ийман бла къабыл этилгенди, жер башындан махтау бла кётюрюлгенди.