Лука 7:43 - Сыйлы Инжил бла Забур

⁴³ Шимон: «Кимге кёп кечилген эсе да ол деп ойлайма», – деп жууап этди. Исса анга: «Сен тюз ойлашдынг», – деди.

Лука 7:43 Iomraidhean Croise

Маттай 18:27

Бий, ол къулгъа жазыкъсынып, анга борчун кечип, аны жиберди.

Марк 12:34

Исса, аны акъыллы жууап этгенин кёрюп, анга: «Сен Аллахны Патчахлыгъындан узакъ тюйюлсе», – деди. Андан сора бир киши да энди Анга сорургъа базынмады.

Лука 10:38

Ала жолда бара, Исса бир элге келди. Мында Марта атлы бир тиширыу Аны кесини юйюне къонакъгъа алды.

Лука 7:42

Аланы уа тёлерге затлары болмагъаны себепли, ол экисине да кечип къойгъанды. Айт, ол экисинден аны къайсы бек сюер?» – деди.

Лука 7:44

Сора тиширыугъа бурулуп, Шимоннга: «Кёремисе сен бу тиширыуну? Мен сени юйюнге келдим, сен Мени аякъларыма суу да бермединг. Ол а Мени аякъларымы жилямукълары бла жибитип, кесини башыны чачы бла сюртдю.

Лука 7:47

Ол себепден а санга айтама: аны кёп гюняхлары кечилгени ючюн ол кёп сюеди. Анга аз кечилген адам а аз сюеди», – деди.