Лука 6:30 - Сыйлы Инжил бла Забур

³⁰ Сенден тилеген хар адамгъа бер эм сеникин алгъандан артха алыргъа излеме.

Лука 6:30 Iomraidhean Croise

Забур 112:9

Къаратонну, сабийлерине къууаннган ана этип, юйге жерлешдиреди. Халелуя!

Забур 41:1

Хорну таматасына: Къорах улуланы юйретиу зикирлери.

Маттай 18:35

Сизден хар биригиз да кесини къарындашыны этген терсликлерин таза жюрегинден кечмесе, Мени Кёкдеги Атам да сизге алай этерикди», – деди.

Маттай 5:39

Мен а сизге айтама: огъурсузгъа къажау турма. Алай а сени онг жаягъынга ким урса да, анга экинчисин да бур.

Маттай 6:12

Эм бизни борчларыбызны кеч, биз да борчлуларыбызгъа кечгенибиз кибик.

Лука 11:41

Андан эсе, сизде болгъан затдан садакъа беригиз: ол заманда сизни хар затыгъыз да таза болур.

Лука 12:33

Мюлклеригизни сатыгъыз да садакъа беригиз. Эски болмазлыкъ бохчаланы, тауусулмазлыкъ хазнаны кесигизге кёкледе хазырлагъыз, ары уа гудучу жууукълашмайды, анда кюе да ашамайды.

Лука 18:22

Муну эшитип, Исса анга: «Энтда бир зат жетишмейди санга: битеу болгъан затынгы сат да, (ахчасын) факъырлагъа юлеш, алай бла сени хазнанг кёкледе болур. Сора кел да, Мени ызымдан жюрю», – деди.

Лука 6:29

Сени бир жаягъынга ургъаннга экинчисин да буруп тут, сени тыш кийиминги сыйыргъаннга кёлегинги алыргъа да чырмау этме.

Лука 6:31

Адамла сизге къалай этерлерин сюе эсегиз да, сиз да алагъа алай этигиз.

Лука 6:38

Беригиз, сизге да берилир: къагъылгъан, басылгъан эм топ-толу болгъан ахшы ёлчеу бла сизни къучагъыгъызгъа къуярла. Нек десегиз не ёлчеу бла ёлчелей эсегиз да, сизге да тамам ол ёлчеу бла ёлчеленирикди», – деди.

Ишлери 20:35

Мен этген хар ишде сизге, алай урунуп, къарыусузлагъа болушургъа эмда Раббий Иссаны Кеси: „Алгъандан эсе, берген насыплыды“ деп айтхан сёзюн эсде тутаргъа керек болгъанын кёргюзтгенме» деп сёлешди.

II Коринфлилеге 8:9

Раббийибиз Масих Иссаны шафауатын сиз билесиз: сиз Аны жарлылыгъы бла бай болур ючюн, Ол, бай болгъанынлай, сизни ючюн жарлы болгъанды.

Эфеслилеге 4:28

Урлагъан адам энди урламасын. Андан эсе, кесини къоллары бла хайыр этип, урунсун, керекли болгъан адамгъа да берир заты болсун.