Лука 6:24 - Сыйлы Инжил бла Забур

²⁴ Байла, сизге уа палах! Нек десегиз сиз кесигизни жапсарылыуугъузну энди аласыз.

Лука 6:24 Iomraidhean Croise

Маттай 6:16

«Аны кибик, ораза тутхан заманыгъызда да, эки бетлиле кибик, мудах болмагъыз; нек десегиз ала, адамлагъа ораза тутханларын кёргюзтюр ючюн, кеслерини бетлерин мудах кёргюзтедиле. Кертисин айтама сизге, ала кеслерини саугъаларын энди аладыла.

Маттай 6:2

Алай бла, садакъа этген заманынгда, эки бетлиле синагогалада бла орамлада, адамла аланы махтар ючюн этгенлери кибик, айтып айланма. Кертисин айтама сизге: ала кеслерини саугъаларын энди аладыла.

Маттай 6:5

«Тилек этген заманынгда да, эки бетлиле синагогалада бла орамланы мюйюшлеринде тохтап, адамланы аллында кёрюнюр ючюн тилек этерге сюйюучюлерича болма. Кертисин айтама сизге, ала кеслерини саугъаларын энди аладыла.

Лука 6:25

Бусагъат заманда тойгъанла, сизге палах! Нек десегиз ач боллукъсуз. Бусагъат заманда кюлгенле, сизге палах! Нек десегиз жилярыкъсыз эм сарнарыкъсыз.

I Тимотейге 6:17

Бу ёмюрде байлагъа айтып ангылат, ала кеслерин уллудан кёрмесинле эм ышаннгысыз байлыкъларына ышанмасынла, алай а бизге зауукълукъгъа хар затны да эркин берген жашау бериучю Аллахха ышансынла.

Якъуп 2:6

Сиз а жарлыны сансыз этгенсиз. Сизге зулму этгенле байла тюйюлмюдюле эм сизни сюдлеге тартханла ала тюйюлмюдюле?