Лука 6:23 - Сыйлы Инжил бла Забур

²³ Ол кюн сюйюнюгюз эмда уллу къууанч этигиз, нек десегиз кёкледе сизни (аллыкъ) саугъагъыз уллуду. Аланы аталары да файгъамбарлагъа алай этгендиле.

Лука 6:23 Iomraidhean Croise

Забур 58:11

Манга мархамат этиучю Аллахым мени аллымда боллукъду. Аллах мени душманларыма къоркъуусуз къаратырыкъды.

Маттай 5:12

Сюйюнюгюз эмда къууанч этигиз; кёкледе сизни аллыкъ саугъагъыз уллуду. Сизден алгъын болгъан файгъамбарлагъа да алай зулму этгендиле».

Лука 1:41

Элизабет Мариямны салам бергенин эшитген заманда, аны къарынындагъы сабий ойнакълады. Элизабет да Сыйлы Нюрден толуп

Лука 1:44

Ма, сени салам бергенинги ауазы мени къулагъыма жетген заманда, къарынымда сабий къууанып ойнакълады.

Лука 6:35

Сиз а душманларыгъызны сюйюгюз, аладан бир зат да умут этмегенлей, ахшылыкъ да этигиз, ёнгкюч да беригиз. Сора сизге уллу саугъа болур, сиз Аллаху-Тааланы уланлары болурсуз, нек десегиз Ол, игиликни билмегенлеге да, огъурсузлагъа да игиликлиди.

Ишлери 14:10

Уллу ауаз бла: «Раббий Масих Иссаны аты бла санга айтама: аякъларынгы юсюне тюз тур!» – деди. Ол да олсагъат секирип туруп, жюрюп башлады.

Ишлери 3:8

Ол, секирип ёрге туруп, жюрюп башлады эм жюрюп секире, Аллахха махтау сала, ала бла табыныучу юйню арбазларына кирди.

Ишлери 5:41

Абустолла уа Раббий Иссаны аты ючюн сансыз этилирге тийишли кёрюлгенлерине къууанып, синедриондан кетдиле.

Римлилеге 5:3

Эм жангыз аны бла тюйюл, алай а къыйынлыкъларыбыз бла да махтанабыз. Нек десегиз къыйынлыкъдан тёзюмлюк,

II Коринфлилеге 12:10

Ол себепден, Масих ючюн къарыусузлукълада, жаныма тийиуледе, кереклиликледе, зулмулукълада, тарлыкълада мен тынч кёллюлюк этеме; нек десегиз мен къарыусуз болгъан заманымда, кючлюме.

Колослулагъа 1:24

Энди мен сизни ючюн азап чекгениме къууанама эмда Масих Кесини чархы – жамауаты ючюн сынагъан къыйынлыкъланы жетмегенлерин мен чархымда толтурама.

II Тимотейге 2:12

Тёзе эсек, Аны бла патчахлыкъ этерикбиз; Аны инкяр этсег’а, Ол да бизни инкяр этерикди.

Чюйютлелеге 11:26

Эм Мисирни хазналарындан эсе, Масих ючюн ыйлыкъдырылгъанын кесине уллу байлыкъгъа санагъанды; нек десегиз ол аллыкъ саугъасына къарагъанды.

Чюйютлелеге 11:6

Ийманынг болмаса, Аллахны ыразы этерге амал жокъду. Ол себепден Аллахха жууукълашхан Аны бар болгъанына эм Аны излегенлеге Ол тийишлисин бергенине ийнаныргъа керекди.

Якъуп 1:2

Къарындашларым, тюрлю сыналыулагъа тюшген заманыгъызда, аны уллу къууанч бла къабыл этигиз.

I Петер 4:13

Алай а сиз Масихни азап чегиулерине къошулгъаныгъыз ючюн къууаныгъыз, Аны аламатлыгъыны ачыкъ кёрюннгенинде да, уллу къууанч этип къууанырыкъсыз.

Билим Ачханы 2:17

Нюрню жамауатлагъа не айтханын, къулагъы болгъан эшитсин: хорлагъаннга жашырын сакъланнган маннаны ашаргъа эркинлик берликме эм анга жангы ат жазылгъан акъ таш берликме; ол атны уа ташны алгъан адамдан башха бир киши да билмейди“».

Билим Ачханы 2:26

Хорлагъан эм Мени ишлерими ахырына дери бардыргъан адамгъа, Атам Манга бергенича, битеу миллетлени оноуун берликме;

Билим Ачханы 2:7

Нюрню жамауатлагъа не айтханын къулагъы болгъан эшитсин: хорлагъаннга Аллахны жаннетини арасындагъы жашау терегинден ашаргъа эркинлик берликме“».

Билим Ачханы 21:7

Хорлагъан барындан да юлюшлю боллукъду. Мен аны Аллахы боллукъма, ол да Манга улан боллукъду.

Билим Ачханы 3:12

Хорлагъанны Аллахымы табыныучу юйюнде чигинжи этерикме эмда ол энди андан тышына чыгъарыкъ тюйюлдю; эмда аны юсюне Аллахымы атын эм Аллахымы шахарыны, кёкден Аллахымдан энишге тюшген жангы Иерусалимни атын эм Мени жангы атымы жазарыкъма.

Билим Ачханы 3:5

Хорлагъан акъ кийимле киерикди; аны атын жашауну китабындан кетерлик тюйюлме эм аны атын Атамы аллында бла Аны мёлеклерини аллында ачыкъ айтырыкъма.