Лука 6:13 - Сыйлы Инжил бла Забур

¹³ Танг атхан заманда уа, Кесини сохталарын чакъырып, аладан онекисин сайлап, алагъа абустолла атады. Аны сайлагъанлары:

Лука 6:13 Iomraidhean Croise

Маттай 10:2

Онеки абустолну уа атлары быладыла: биринчиси Петер аталгъан Шимон, аны къарындашы Эндрей, Зебедейни жашлары Якъуп бла Ахия,

Маттай 19:28

Исса уа алагъа: «Кертисин айтама сизге: сиз, Мени ызымдан тебирегенле, дунияны жангыргъанында, Адам Улу Кесини махтаулу тахтасына олтургъан заманында, сиз да онеки тахтада, Израильни онеки тукъумуна сюд этерге олтурлукъсуз;

Маттай 9:36

Жыйын халкъны кёргенинде, ала къыйналып, сюрюучюлери болмагъан къойла кибик чачылып айланнганларына Иссаны алагъа жаны ауруду.

Марк 6:30

Сора абустолла, Иссагъа жыйылып, не этгенлерин бла неге юйретгенлерин барын да Анга айтдыла.

Марк 6:7

Сора онеки сохтасын чакъырып, аланы экишер-экишер ийип башлады эмда алагъа харам нюрлени хорларгъа эркинлик берди.

Лука 11:49

Ол себепден Аллахны терен акъыллылыгъы да: „Алагъа файгъамбарла эм абустолла иерикме, аладан да бир къауумларын ёлтюрлюкдюле, башхаларын а къыстап иерикдиле“ деп айтханды;

Лука 22:30

Мени Патчахлыгъымда Мени столумда ашарыкъсыз эм ичериксиз эмда Израильни онеки тукъумуна сюд этерге тахталада олтурлукъсуз», – деди.

Лука 6:14

Кеси Петер атагъан Шимон, аны къарындашы Эндрей, Якъуп, Ахия, Филип, Барталмай,

Ахия 4:33

Сохтала бир-бирлерине: «Анга биреу ашарыкъмы келтирген болур?» – дей эдиле.

Ишлери 1:13

Ала, шахаргъа келгенлей, къалыучу юйлерине барып, огъаргъы отоугъа чыкъдыла. Петер бла Якъуп, Ахия бла Эндрей, Филип бла Тома, Барталмай бла Маттай, Алфай улу Якъуп бла Патриот Шимон эмда Якъупну къарындашы Иуда анда болгъандыла.

Эфеслилеге 2:20

Абустолла бла файгъамбарла салгъан мурдорну юсюнде бегимли болгъансыз, Масих Исса уа Кеси мюйюшню баш ташыды.

Эфеслилеге 4:11

Ол а, бирлени абустолла этип, башхаланы файгъамбарла этип, башхаланы Хайыр Хапарны жайыучула этип, дагъыда башхаланы кютюучюле эм устазла этип салгъанды.

Чюйютлелеге 3:1

Алай бла, кёкню чакъырыууна къошулгъан сыйлы къарындашла, биз ачыкъ къабыл этген ийманыбызны Келечиси эм Баш Дин Къуллукъчусу болгъан Масих Иссаны ангылагъыз.

II Петер 3:2

Сиз, алгъын сыйлы файгъамбарла айтхан сёзлени, сора Раббийни эм Къутхарыучуну, сизге абустолларыгъызны юсю бла берген фарызын эсигизде тутарыгъызны излейме.

Билим Ачханы 12:1

Сора кёкде уллу илишан, кюнню юсюне кийген къатын кёрюндю; аны аякъларыны тюбюнде ай, аны башында да онеки жулдуздан таж бар эди.

Билим Ачханы 18:20

Кёк да, сыйлы абустолла да, файгъамбарла да, аны башына келгеннге къууаныгъыз; нек десегиз Аллах анга сюд этип, дертигизни жетдиргенди», – деп къычырыкъ этдиле.

Билим Ачханы 21:14

Шахарны къабыргъасы онеки мурдорну юсюнде ишленнген эди, аланы юсюнде да Къозуну онеки абустолуну атлары жазылып эди.