Лука 3:16 - Сыйлы Инжил бла Забур

¹⁶ Ахия барына да: «Мен сизни сууда кёмюлдюреме, алай а менден Кючлю келеди, Аны уа мен чарыгъыны бауун тешерге тийишли да тюйюлме. Ол сизни Сыйлы Нюр бла эмда от бла кёмюлдюрлюкдю.

Лука 3:16 Iomraidhean Croise

Маттай 3:11

Мен сизни тобагъа къайтышханыгъыз себепли сууда кёмюлдюреме, алай а мени ызымдан Келген менден кючлюдю; мен Аны аякъ кийимин элтирге да тийишли тюйюлме; Ол сизни Сыйлы Нюр бла эмда от бла кёмюлдюрлюкдю.

Маттай 3:12

Аны кюреги Аны къолундады; Ол Кесини ындырын ариуларыкъды, Кесини будайын кюфге жыярыкъды, саламны уа ёчюлмез отда кюйдюрлюкдю», – деди.

Ахия 1:26

Ахия алагъа жууапха: «Мен сууда кёмюлдюреме: алай а сизни арагъызда Биреу турады, Аны уа сиз танымайсыз.

Ахия 1:27

Мени ызымдан Келген, Кеси уа мени аллыма ётген Олду; Аны аякъ кийимини бауун тешер кибик тийишлилигим да жокъду мени», – деди.

Ахия 1:33

Мен Аны танымай эдим; алай а мени адамланы сууда кёмюлдюртюрге Ийген, манга: „Нюр Кимни юсюне тюшгенин эм Аны юсюнде тургъанын кёрсенг, Олду – Сыйлы Нюр бла кёмюлдюрюучю“ деп айтханды;

Ахия 7:38

Китапда айтылгъаны кибик, Манга ийнаннган адамны ичинден, жашау бериучю суу черекле агъарыкъдыла», – деп сёлешди.

Ишлери 1:5

Нек десегиз Ахия адамланы суу бла кёмюлдюргенди, сиз а бир бёлек кюнден сора Сыйлы Нюр бла кёмюлдюрюллюксюз», – деди.

Ишлери 10:44

Петер бу сёзлени айта тургъан заманда, аны сёзлерине тынгылагъанланы барысына да Сыйлы Нюр тюшдю.

Ишлери 2:33

Алай бла Ол, Аллахны онг жанына чыгъарылып, Атадан, Ол берирге айтхан Сыйлы Нюрню алып, энди, сиз кёргенча эм эшитгенча, бу Нюрню юсюбюзге къуйгъанды.

I Коринфлилеге 12:13

Нек десегиз биз барыбыз да, бир чарх болур ючюн, бир Нюрде кёмюлдюрюлгенбиз, иудейлиле неда греклиле, къулла неда азатла, барыбызгъа да бир Нюрден ичерге берилгенди.