Лука 23:34 - Сыйлы Инжил бла Забур

³⁴ Исса уа: «Ата! Кеч былагъа; была не этгенлерин билмейдиле», – деди. Сора (аскерчиле) Аны кийимлерин чёп атып юлеше эдиле.

Лука 23:34 Iomraidhean Croise

Маттай 11:25

Ол заманда сёзюн бардыра, Исса: «Эй Атам, кёкню да, жерни да Раббийи! Сен бу затланы билимлиледен эм акъыллыладан жашырып, гитче сабийлеге ачханынг ючюн, Санга шукур этеме.

Маттай 11:26

Алайды, Атам! Сен алай этиуню иги кёргенсе.

Маттай 5:44

Мен а сизге айтама: душманларыгъызны сюйюгюз, сизге къаргъыш этгенлеге алгъыш этигиз, сизни кёрюп болмагъанлагъа ахшылыкъ этигиз, сизни жюреклеригизни къыйнагъанла ючюн, сизге зулму этгенле ючюн тилек этигиз.

Марк 15:24

Аны къачха кергенден сора, кимге не тюшерине чёп атып Аны кийимлерин юлеше эдиле.

Лука 22:42

«Эй Ата! Сен бу (азап) аякъны Менден кери оздурургъа иги кёрсенг эди уа! Алай а Мен излегенча тюйюл, Сени буйругъунг болсун», – деп тилек этди.

Ахия 17:9

Мен ала ючюн тилек этеме: битеу дуния ючюн тюйюл, ала Сеникиле болгъанлары себепли, Сен Манга бергенле ючюн тилек этеме.

Ахия 19:11

Исса уа: «Санга огъартындан берилмесе, сени Манга бир тюрлю эркинлигинг да боллукъ тюйюл эди; ол себепден Мени санга берген адамдады гюняхны уллусу», – деп жууап берди.

Ишлери 16:28

Пауул а анга: «Кесинге аманлыкъ этме, биз барыбыз да мындабыз!» – деп уллу къычырды.

Ишлери 3:17

Болсада, къарындашла, мен билеме, башчыларыгъыз кибик сиз да этгенигизни билмегенлей этгенсиз.

Ишлери 7:60

Эмда, тобукъланып, уллу ауаз бла: «Раббий! Бу гюняхны аланы боюнларына салма!» – деди. Сора, муну айтханлай, жан берди.

Римлилеге 12:14

Сизге зулму этгенлеге алгъыш этигиз; алгъыш этигиз, къаргъыш а этмегиз.

I Коринфлилеге 2:8

Аны уа бу ёмюрню башчыларындан бир киши да ангыламагъанды, нек десегиз ангылагъан болсала эди уа, махтаулу Раббийни къачха кермез эдиле.

I Коринфлилеге 4:12

Эм кеси къолларыбыз бла ишлеп урунабыз. Бизге аман айтадыла, биз алгъыш этебиз; бизге зулму этедиле, биз тёзебиз;

I Тимотейге 1:13

Мен алгъын аман айтыучу эм зулмучу эмда жюрек къыйнаучу эдим. Алай а Аллах манга мархамат этгенди; нек десегиз ол затланы, билмегенлей, ийнанмагъан заманымда этгенме.

I Петер 3:9

Аманлыкъгъа аманлыкъ бла неда аман сёзге аман сёз бла жууап этмегиз. Ол угъай эсенг, алгъыш этигиз; нек десегиз сиз алгъышлы болургъа чакъырылгъансыз.