Лука 22:70 - Сыйлы Инжил бла Забур

⁷⁰ Бары да Анга: «Сора Сен Аллахны Уланымыса?» – дедиле. Ол алагъа: «Мен болгъанымы, сиз айтасыз», – деп жууап этди.

Лука 22:70 Iomraidhean Croise

Забур 2:12

Уланын сыйлы кёрюгюз, алайсыз Ол чамланыр эмда сиз баргъан жолугъузда жоюлурсуз; нек десегиз къысха заманда Аны чамланыуу къабынырыкъды. Битеу Анга ышаннганла насыплыдыла.

Забур 2:7

Белгиленнгенни билдирейим: Раббий Манга: «Сен Мени Уланымса, Мен Сени бюгюн туудурдум.

Маттай 26:25

Ол заманда Аны сатарыкъ Иуда да: «Менми болурма, Устаз?» – деди. Исса анга: «Сен айтдынг», – деди.

Маттай 26:64

Исса анга: «Сен айтдынг; мындан ары сиз Адам Улуну Къудуретлини онг жанында олтуруп, кёкдеги булутланы юсюнде келгенин кёрюрсюз, деп окъуна айтама сизге», – деди.

Маттай 27:11

Исса оноучуну аллында тургъанда, оноучу Анга: «Сен Иудей Патчахмыса?» – деп сорду. Исса анга: «Сен айтаса», – деди.

Маттай 27:43

Аллахха ышана эди; Аллах Анга ыразы эсе, энди Аны къутхарсын! Ол: „Мен Аллахны Уланыма“ деп айтханды», – дей эдиле.

Маттай 27:54

Жюзбашчы эм аны бла бирге Иссаны сакълагъанла, жер титирегенни эм битеу болуннганны кёргенде, бек къоркъуп: «Кертиси да Бу Аллахны Уланы эди!» – дей эдиле.

Маттай 3:17

Ол заманда кёкледен: «Бу Мени сюйюлюннген Уланымды; Мен Анга ыразыма», – деген ауаз келди.

Маттай 4:3

Сора терилтиучю, Анга жууукълашып: «Сен Аллахны Уланы эсенг, бу ташлагъа ётмекле болургъа буюр», – деди.

Марк 14:62

Исса: «Менме; эмда сиз Адам Улуну Къудуретлини онг жанында олтуруп эм кёкдеги булутла бла келгенин кёрюрсюз», – деди.

Марк 15:2

Пилат Анга: «Сен Иудей Патчахмыса?» – деп сорду. Ол а анга жууапха: «Сен айтханчады», – деди.

Лука 22:71

Ала уа: «Бизге энди не шагъатлыкъ керекди? Биз кесибиз Аны ауузундан эшитдик энди», – дедиле.

Лука 23:3

Пилат Анга: «Сен Иудей Патчахмыса?» – деп сорду. Исса анга жууапха: «Сен айтаса», – деди.

Лука 4:41

Аны кибик кёпледен жинле да къычырыкъ этип чыгъа эдиле эм: «Сен Аллахны Уланы Масихсе!» – дей эдиле. Ала Аны Масих болгъанын билгенлери себепли уа, Ол алагъа айтыргъа эркинлик бермей эди.

Ахия 1:34

Мен да кёргенме эм Ол Аллахны Уланы болгъанына шагъатлыкъ этгенме», – деди.

Ахия 1:49

Натанел Анга: «Устаз! Сен Аллахны Уланыса, Сен Израильни Патчахыса!» – деп жууап этди.

Ахия 10:30

Мен бла Ата бирбиз», – деп жууап этди.

Ахия 10:36

Сора: „Мен Аллахны Уланыма“ дегеним ючюн, Ата Кеси Аны сыйлы этип дуниягъа ийгеннге сиз кяфырлыкъ этесе депми айтасыз?

Ахия 18:37

Пилат Анга: «Сора Сен Патчахмыса?» – деди. Исса анга: «Манга Патчах деп айтхан сенсе; Мен хакъ кертини юсюнден шагъатлыкъ этер ючюн туугъанма эм аны ючюн дуниягъа келгенме. Хакъ керти жанлы болгъан хар адам Мени ауазыма тынгылайды», – деп жууап берди.

Ахия 19:7

Иудейлиле анга: «Бизни Законубуз барды, бизни Законубузгъа кёре, Ол ёлюрге керекди; нек десенг Кесин Аллахны Уланы этгенди», – деп жууап бердиле.