Лука 22:52 - Сыйлы Инжил бла Забур

⁵² Исса Кесине къажау жыйылгъан баш дин къуллукъчулагъа, табыныучу юйню къалауур башчыларына эм таматалагъа: «Сиз аманлыкъчыгъача, (Мени тутаргъа) къылычла бла эм къазыкъла бла чыкъдыгъыз!

Лука 22:52 Iomraidhean Croise

Маттай 26:47

Исса муну айта тургъан заманда, Онекисинден бирлери болгъан Иуда келди, аны биргесине да баш дин къуллукъчула бла халкъны таматалары ийген кёп халкъ, къылычла эм къазыкъла алып келдиле.

Маттай 26:55

Ол кезиуде Исса халкъгъа: «Сиз, Мени тутар ючюн, аманлыкъчыгъа чыкъгъанча, къылычла бла эм къазыкъла бла чыкъдыгъыз. Мен хар кюнден табыныучу юйде сизни бла олтуруп юйрете эдим, сиз Мени тутмай эдигиз», – деди.

Лука 22:37

Нек десегиз сизге айтама: „Ол аманлыкъчыла бла бирге саналгъанды“ деп жазылгъан сёз да, Мени юсюмде толургъа керекди. Нек десегиз Мени юсюмден айтылгъан энди ахырына келеди», – деди.

Лука 22:4

Иуда, баш дин къуллукъчулагъа бла табыныучу юйню къалауур башчыларына барып, Иссаны алагъа къалай сатарындан ала бла сёлешди.

Лука 22:51

Ол заманда Исса: «Къоюгъуз, жетер!» – деди. Сора, къулну къулагъына тийип, аны сау этди.

Лука 22:53

Мен хар кюнден табыныучу юйде сизни бла болуп тургъан эдим, сиз Манга къолугъузну тийдирмеген эдигиз. Бу уа сизни сагъатыгъызды, къарангылыкъ бийлеген кезиудю», – деди.

Ахия 17:12

Мен, ала бла дунияда болгъан заманымда, аланы Сени атынг бла къоруулагъанма; Сен Манга бергенлени Мен сакълагъанма. Китапда жазылгъан толур ючюн, жоюлургъа тийишли адамдан башха, аладан бир киши да жоюлмагъанды.

Ишлери 5:26

Ол заманда табыныучу юйню сакълауулларыны башчысы къалауурла бла барып, абустолланы зор этмей келтирди; нек десегиз ала, халкъ бизни ташла бла тюер деп къоркъа эдиле.