Лука 22:26 - Сыйлы Инжил бла Забур

²⁶ Сиз а алай болмагъыз. Алай а, сизде уллу ким эсе да, гитчеча болсун, башчылыкъ этген да жумушчуча болсун.

Лука 22:26 Iomraidhean Croise

Маттай 20:26

Сизни арагъызда уа алай болмасын: сизни арагъызда уллу болургъа ким сюе эсе да, сизге жумушчу болсун;

Марк 10:43

Сизни арагъызда уа алай болмасын: сизни арагъызда уллу болургъа ким сюе эсе, ол сизге жумушчу болсун.

Марк 9:35

Исса, олтуруп, онекисин чакъырып, алагъа: «Биринчи болургъа ким сюе эсе да, эм артдагъы болсун эм барына да жумушчу болсун», – деди.

Лука 9:48

Алагъа: «Бу сабийни Мени атым ючюн ким къабыл этсе, ол Мени къабыл этеди. Мени къабыл этген адам а, Мени Ийгенни къабыл этеди. Ол себепден, сизден барыгъыздан да эм гитче ким эсе да, ол эм уллу боллукъду», – деди.

Римлилеге 12:2

Эмда бу ёмюрню халы бла келишмегиз, алай а Аллахны ыразы этген ахшылыкълы, тамам толу буйругъу не болгъанын сиз ангылар ючюн акъылыгъызны жангырыуу бла тюрленигиз.

I Петер 5:3

Аллахны халкъына бийлик этмей, алай а сюрюуге юлгю берип къуллукъ этигиз.

I Петер 5:5

Аны кибик кичиле да, таматалагъа бойсунугъуз эм барыгъыз да, бир-биригизге бойсунуп, сабыр акъыллылыкъны юсюгюзге кийигиз. Нек десегиз Аллах ёхтемлеге къажау турады, сабырлагъа уа шафауат береди.