Лука 21:15 - Сыйлы Инжил бла Забур

¹⁵ Нек десегиз Мен сизге сёзге усталыкъ да, акъылманлыкъ да берликме. Сизге къажау тургъанланы бири да жууап этерге, не къажаулукъ этерге болаллыкъ тюйюлдю.

Лука 21:15 Iomraidhean Croise

Лука 12:12

Нек десегиз не айтыргъа керек болгъанын Сыйлы Нюр сизге ол сагъатда юйретирикди», – деди.

Лука 21:16

Аны кибик, сизни ата-аналарыгъыз да, къарындашларыгъыз да, жууукъларыгъыз да, шуёхларыгъыз да сатарыкъдыла, сизден бир къауумугъузну да ёлтюрлюкдюле.

Лука 24:45

Ол заманда алагъа (Сыйлы) Китапланы ангыларгъа акъылларын ачды,

Ишлери 2:4

Ийнаннганланы барысы да Сыйлы Нюрден толдула эм Нюр алагъа айтыргъа берген башха-башха тилледе сёлешип башладыла.

Ишлери 24:25

Пауул тюзлюкню юсюнден, кесинги тыйыуну юсюнден эм къыямат кюн боллукъ сюдню юсюнден айтханы себепли уа, Феликсге къоркъуу тюшдю эм: «Энди бар, заман тапсам а, сени чакъыртырма», – деп жууап этди.

Ишлери 26:28

Агрипа Пауулгъа: «Сен мени масихчи болургъа ийнандырыргъа кёп къалмайды!» – деди.

Ишлери 6:10

Алай болгъанлыкъгъа, аны айтхан сёзлериндеги акъылманлыкъгъа эмда Сыйлы Нюрге къажау туралмадыла.

Эфеслилеге 6:19

Эм мени ючюн да тилек этигиз; мен Хайыр Хапарны сырын таукеллик бла ачыкъ билдирирге манга сёз берилир ючюн,

Якъуп 1:5

Сизде акъылманлыгъы жетишмеген адам а барысына да гурушхасыз чомарт бериучю Аллахдан тилесин, анга берилир.