Лука 20:16 - Сыйлы Инжил бла Забур

¹⁶ Келир да, ол жюзюмчюлени жояр, жюзюм бахчаны да башхалагъа берир», – деди. Муну эшитгенле уа, «Алай болмасын!» – дедиле.

Лука 20:16 Iomraidhean Croise

Маттай 21:34

Кёгетлени заманы жетгенде уа, ол, кёгетлерин алыргъа жюзюмчюлеге кесини къулларын ийгенди.

Маттай 21:41

Ала Анга: «Ол аманлыкъчыланы аман ёлтюртюр, жюзюм бахчасын а, ала анга заманында кёгетлерин берип турлукъ башха жюзюмчюлеге берир», – дедиле.

Маттай 22:7

Аны эшитгенде, патчах, чамланып, кесини аскерлерин ийип, ол мурдарланы ёлтюртгенди, аланы шахарларын да кюйдюртгенди.

Марк 12:9

Жюзюм бахчаны иеси энди не этер? Келир да, жюзюмчюлени жояр, жюзюм бахчаны да башхалагъа берир.

Лука 19:27

Мен алагъа патчах болуруму сюймеген душманларымы уа, бери келтиригиз да, мени аллымда ёлтюрюгюз!“ дегенди», – деди.

Лука 20:15

Сора аны жюзюм бахчадан тышына чыгъарып ёлтюргендиле. Энди жюзюм бахчаны иеси алагъа не этер?

Ишлери 13:46

Ол заманда Пауул бла Барнаба таукеллик бла алагъа: «Аллахны сёзю бек алгъа сизге билдирилирге керек эди; алай а сиз аны къабыл этмей, кесигиз-кесигизни ёмюрлюк жашаугъа тийишли болмазча этгенигиз ючюн, ма, биз башха миллетлилеге айланып айтабыз.

Римлилеге 11:1

Алай бла сорама: Аллах Кесини халкъын атыпмы къойгъанды? Чыртда угъай! Нек десегиз мен да Израильлиме, Ибрахимни урлугъунданма, Беняминни тукъумунданма.

Римлилеге 11:11

Алай бла сорама: ала тайып къалырчамы абынып тыйылгъандыла? Чыртда угъай! Алай а алада эришиулюк чыгъарыр ючюн, аланы этген терсликлеринден, башха миллетлеге къутхарылыу берилгенди.

Римлилеге 3:31

Алай бла, биз ийман бла Законну жокъму этебиз? Чыртда угъай! Алай а Закон тюздю дейбиз.

Римлилеге 3:4

Чыртда угъай! Хар адам ётюрюкчю эсе да, Аллахны тюз сёзлю болгъаны билинсин, Китапда: «Сен сёзлерингде тюзлюклю чыгъарыкъса эм сюдюнгде хорларыкъса», – деп жазылгъаны кибик.

Римлилеге 3:6

Чыртда угъай! Аллах дуниягъа алайсыз къалай сюд этер?

Римлилеге 6:15

Сора не айтайыкъ? Биз, Законну буйругъунда тюйюл, Раббийни шафауатыны оноуунда болгъаныбыз ючюн, гюняхмы этейик? Чыртда угъай!

Римлилеге 6:2

Биз гюняхха ёлгенбиз, сора энтда гюняхда къалай жашайыкъ?

Римлилеге 7:13

Алай бла хайырлы зат манга ёлюммю келтирди? Чыртда угъай! Алай а гюнях, гюнях болгъаны танылыр ючюн эм фарызны юсю бла мардасыз бек гюняхлы болуп чыгъар ючюн, хайырлы затны болушлугъу бла манга ёлюм сала эди.

Римлилеге 7:7

Сора не айтайыкъ? Тауратны Закону гюняхмы болду? Чыртда угъай! Алай а мен гюняхны башхадан болмай, Законну юсю бла билгенме; нек десегиз Закон: «Кюсе ме», – деп айтмаса эди, мен кюсеуню не болгъанын да ангыламаз эдим.

Римлилеге 9:14

Сора не айтайыкъ? Аллахда тюзсюзлюкмю барды? Чыртда угъай!

I Коринфлилеге 6:15

Сизни чархларыгъыз Масихни санлары болгъанын билмеймисиз? Алай бла, Масихни санларын сыйырып, аланы саякъ тиширыугъа санламы этейим? Чыртда угъай!

Галатиялылагъа 2:17

Масихде ариуланыуну излеп, биз кесибиз да гюняхлы болуп чыкъгъан эсек, сора Масих гюняхны къуллукъчусумуду? Чыртда угъай!

Галатиялылагъа 3:21

Алай бла Аллахны ант бла берген сёзлерине Тауратны Закону къажаумуду? Чыртда угъай! Нек десегиз жашау берирге болаллыкъ закон берилсе эди, сора кертиси да адам закон бла ариуланыр эди.

Галатиялылагъа 6:14

Мен а, Раббийибиз Масих Иссаны къачындан башха бир зат бла да, бир заманда да махтанмам. Аны къачыны юсю бла уа бу дуния манга ёлюдю, мен да бу дуниягъа ёлюме.